ମାଲକାନଗିରି: ବିଡିଓଙ୍କ ବଦଳି ଦାବି କରି ବ୍ଲକ କାର୍ଯ୍ୟାଳୟ ଘେରାଉ । ମାଲକାନଗିରି ଖଇରପୁଟ ପଞ୍ଚାୟତ ସମିତିର ଶତାଧିକ ଲୋକେ ଆଜି ଧାରଣା ଦେଇଛନ୍ତି । ସମିତି ସଭ୍ୟ ଓ ସରପଞ୍ଚମାନଙ୍କ କୌଣସି କଥା ଖଇରପୁଟର ବିଡିଓ ବିଶ୍ବଜିତ ବରମନ ଶୁଣୁନଥିବାର ଅଭିଯୋଗ କରି ସ୍ଥାନୀୟ ପ୍ରତିନିଧି ଶହଶହ ବଣ୍ଡା ଆଦିବାସୀଙ୍କୁ ନେଇ ବିକ୍ଷୋଭ ପ୍ରଦର୍ଶନ କରିଥିଲେ ।
ବିଡିଓଙ୍କ ବଦଳି ଦାବିରେ ବ୍ଲକ କାର୍ଯ୍ୟାଳୟ ଘେରିଲେ
ହିତାଧିକାରୀଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ପ୍ରଦାନ ଠାରୁ ଭତ୍ତା କାର୍ଡ ପର୍ଯ୍ୟନ୍ତ, ଯେ କୌଣସି କାମ ଲାଗି ଲୋକଙ୍କ ଠାରୁ ବିଡିଓ ଲାଞ୍ଚ ନେଉଥିବାର ମଧ୍ୟ ଅଭିଯୋଗ ହୋଇଛି । ତେଣୁ ବିଡିଓଙ୍କ ତୁରନ୍ତ ବଦଳି ଦାବିରେ ସ୍ଥାନୀୟ ଜନପ୍ରତିନିଧି ଓ ଆଦିବାସୀ ଲୋକେ ଆନ୍ଦୋଳନ କରିଛନ୍ତି । ଅନ୍ୟପଟେ, ବିଡିଓଙ୍କ ବଦଳି କରାନଗଲେ ଅନିର୍ଦ୍ଦିଷ୍ଟ କାଳ ପାଇଁ ଖଇରପୁଟ ରାଜରାସ୍ତା ଅବରୋଧ କରାଯିବ ବୋଲି ଚେତାବନୀ ଦେଇଛନ୍ତି ସ୍ଥାନୀୟ ପ୍ରତିନିଧି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
