ମାଲକାନଗିରି: ଜିଲ୍ଲା ମାଥିଲି କଲେଜ ଛକ ନିକଟରେ ସଡକ ଦୁର୍ଘଟଣା । ଭାରସାମ୍ୟ ହରାଇ ଖାଲରେ ପଡିଲା ବାଇକ । ଦୁର୍ଘଟଣାରେ ଜଣେ ମୃତ ଜଣେ ଗୁରୁତର ସୂଚନା । ସୂଚନାଅନୁସାରେ, ଏକ ସିଡି ଡେଲକ୍ସ ବାଇକରେ ଦୁଇ ଜଣ ଯାଉଥିବା ସମୟରେ ମାଲକାନଗିରି ଜିଲ୍ଲା ମାଥିଲି କଲେଜ ଛକ ନିକଟରେ ବାଇଟି ଭାରସାମ୍ୟ ହରାଇ ଓଲଟି ପଡିଥିଲା । ସ୍ଥାନୀୟ ଲୋକେ ଦେଖି 108 ଆମ୍ବୁଲାନ୍ସକୁ ଫୋନ କରି ଆମ୍ବୁଲାନ୍ସ ଯୋଗେ ସ୍ଥାନୀୟ ମାଥିଲି ହସପିଟାଲରେ ଭର୍ତ୍ତି କରାଯାଇଥିଲା ।
ତେବେ ଘଟଣା ସ୍ଥଳରେ ହିଁ ଜଣକର ମୃତ୍ୟୁ ହୋଇଥିବା ବେଳେ ଅନ୍ୟଜଣେ ଗୁରୁତରକୁ କୋରାପୁଟ୍ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜକୁ ସ୍ଥାନାନ୍ତର କରାଯାଇଛି । ମୃତକ ଜଣକ କସାବାହଲ ଗାଁର ସହଦେବ ଗୌଡ ହୋଇଥିବା ବେଳେ ଗୁରୁତର ଜଣକ ଧୁଙ୍ଗିଆପୁଟ୍ ଗ୍ରାମର ଗଣପତି ନାୟକ ବୋଲି ସୂଚନା ରହିଛି ।
ମାଲକାନଗିରିରୁ ପଞ୍ଚାନନ ଦାଶ, ଇଟିଭି ଭାରତ
