ମାଲକାନଗିରି: ଜିଲ୍ଲାର ଚିତ୍ରକୋଣ୍ଡା ଥାନା ଅନ୍ତର୍ଗତ ସିଲେରୁ ନଦୀରେ କୁମ୍ଭୀର ଆକ୍ରମଣରେ ନାବାଳକର ମୃତ୍ୟୁ ହୋଇଛି । ସେ ହେଉଛି କୈଳାସ ମାଝୀ।
କୁମ୍ଭୀର ଆକ୍ରମଣରେ ନାବାଳକ ମୃତ, ବିନା ହାତଗୋଡରେ ମିଳିଲା ମୃତଦେହ
ସୂଚନା ମୁତାବକ, ଶନିବାର ଗାଧୋଇବାକୁ ଯାଇଥିବା ସମୟରେ କୈଳାସକୁ କୁମ୍ଭୀର ଟାଣି ନେଇଥିଲା। ଏହାପରେ ବହୁତ ସମୟ ଧରି ଘରକୁ ନଫେରିବାରୁ ସନ୍ଧ୍ୟାରେ ପରିବାର ଲୋକେ ବହୁ ଖୋଜାଖୋଜି କରିଥିଲେ । ହେଲେ ପୁଅକୁ ନପାଇ ଥାନାରେ ଜଣାଇଥିଲେ ।
ଆଜି(ରବିବାର) ହାତ ଗୋଡ଼ ନ ଥିବା ଅବସ୍ଥାରେ କୈଳାସର ମୃତଦେହ ଭାସୁଥିବା ଦେଖିବାକୁ ମିଳିଥିବାବେଳେ, ପୋଲିସ ଗାଁ ଲୋକଙ୍କ ସହାୟତାରେ ମୃତ ଦେହକୁ ଉଦ୍ଧାର କରିଛି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
