ମାଲକାନଗିରି: କୋରୋନା କଟକଣାକୁ ନେଇ ମାଲକାନଗିରି ପ୍ରଶାସନ ପୁଣି ଜାରି କଲା ଆଉ ଏକ ଆଡ଼ଭାଇଜରୀ । ଏଣିକି ରାଜ୍ୟ ବହାରରୁ ଆସିଲେ ନୋଡାଲ ଅଫିସରଙ୍କୁ ଜଣାଇବା ସହ 7 ଦିନ ହୋମ ଆଇସେଲୋସନ ବାଧ୍ୟତାମୂଳକ କରାଯାଇଛି । ଏହାସହ ଯଦି କିଏ ରାଜ୍ୟ ବାହାରକୁ ଯିବେ ନୋଡାଲ ଅଫିସରଙ୍କୁ ଜଣାଇ ଯିବେ ।
ମାଲକାନଗିରିକୁ ରାଜ୍ୟ ବାହାରୁ ଆସିଲେ 7 ଦିନ ଆଇସୋଲେସନ ବାଧ୍ୟତାମୂଳକ
ବିବାହ, ବ୍ରତ, ମଶାଣୀକୁ ଏକ ସମୟରେ 200 ଲୋକଙ୍କୁ ଅନୁମତି ଦେଇଛି ପ୍ରଶାସନ । ମାସ୍କ, ସାମାଜିକ ଦୂରତା ପରି କଟକଣାକୁ ପାଳନ କରିବାକୁ ନିର୍ଦ୍ଦେଶ ଦିଆଯାଇଛି । ଏପଟେ ବଡଯାତ୍ରା ଆରମ୍ଭ ହୋଇଥିବା ବେଳେ ଆଜିଠାରୁ ରାତି 9ଟାରୁ ସକାଳ 6ଟା ପର୍ଯ୍ୟନ୍ତ ନାଇଟ କର୍ଫ୍ୟୁ ଜାରି କରାଯାଇଥିବାରୁ ସଧାରଣରେ ଏହି ନିୟମ ଜାରି ପରେ କିଛିମାତ୍ରାରେ ଅସନ୍ତୋଷ ଦେଖାଦେଇଛି । ନାଇଟ କର୍ଫ୍ୟୁକୁ ଯାତ୍ରା ପାଇଁ କିଛି ମାତ୍ରାରେ କୋହଳ ପାଇଁ ସଧାରଣରେ ଦାବି ହୋଇଛି । ଅନ୍ୟପଟେ ଜିଲ୍ଲାପାଳ କହିଛନ୍ତି ସାଧାରଣ ଲୋକଙ୍କ ଧନ ଜୀବନ ସୁରକ୍ଷା ପାଇଁ ଏଭଳି ପଦକ୍ଷେପ ନିଆଯାଇଛି ।
ମାଲକାନିଗିରିରୁ ଦେବଦତ୍ତ ବେହେରା, ଇଟିଭି ଭାରତ
