ମାଲକାନଗିରି: ସାରା ରାଜ୍ୟରେ ଏବେ ଲକଡାଉନ୍ ଚାଲିଥିବା ବେଳେ ଏହାର ଫାଇଦା ଉଠାଇ ସକ୍ରିୟ ହୋଇ ଉଠିଛନ୍ତି ଚୋରା ମଦ ବେପାରୀ । ଏନେଇ ମାଲକାନଗିରି ପୋଲିସ ୩ ଜଣ ଚୋରା ମଦ ବେପାରୀଙ୍କୁ ଗିରଫ କରିବା ସହ ୭୧ ଲିଟର ମଦ ଜବତ କରିଥିବା ଜଣାପଡ଼ିଛି । ଜିଲ୍ଲା ସଦର ମହକୁମାର ବିଭିନ୍ନ ସ୍ଥାନରେ ଚୋରା ମଦ ବେପାରୀମାନେ ଲକଡାଉନକୁ କେନ୍ଦ୍ର କରି ଚଢା ଦରରେ ଏହି ମଦ ବିକ୍ରି କରିଥାନ୍ତେ ।
ତେବେ ବିଶେଷ ସୂତ୍ରରୁ ଖବର ପାଇଁ ମାଲକାନଗିରି ଏସଡ଼ିପିଓ ଅଂଶୁମାନ ଦ୍ବିବେଦୀଙ୍କ ନେତୃତ୍ଵରେ ଆଇଆଇସି ରାମପ୍ରସାଦ ନାଗ ଏବଂ ଏକ ଟିମ୍ ଚଢାଉ କରି ମଦ ଜବତ କରିବା ସହ ୩ ଜଣଙ୍କୁ ଗିରଫ କରିଛନ୍ତି । ଗିରଫ ହୋଇଥିବା ବ୍ୟକ୍ତିମାନେ ହେଲେ ପାତ୍ରଗୁଡା ଅଞ୍ଚଳର ବି.ଦିଲୀପ ( ୨୫ ) , ଦୁର୍ଗାଗୁଡ ସାହିର ମଙ୍ଗଳୁ ସେନାପତି ( ୩୮ ) ଏବଂ ଶ୍ରୀକାନ୍ତ ମହାରଣା ( ୪୦ ) ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
