ମାଲକାନଗିରି: ଜିଲ୍ଲାର ଅର୍କେଲ ପୋଲିସକୁ ବଡ ସଫଳତା । ଗଞ୍ଜେଇ ଚୋରାଚାଲାଣ ବେଳେ ଅର୍କେଲ ପୋଲିସ ଚଢ଼ାଉ କରି 1123 କେଜି ଗଞ୍ଜେଇ ଜବତ କରିବା ସହ 2 ଜଣଙ୍କୁ ଗିରଫ କରିଛି ।
ମାଲକାନଗିରିରୁ ଗଞ୍ଜେଇ ଚୋରାଚାଲାଣ ହେଉଥିବା ସୂଚନା ପାଇ କୁଡୁମୁଲୁଗୁମ୍ମା ଖାତଲାଗୁଡା ଜଙ୍ଗଲରେ ପୋଲିସ ଟିମ ଚଢ଼ାଉ କରିଥିଲେ l ଚଢ଼ାଉ ବେଳେ ଉଭୟଙ୍କ ଭିତରେ ଗୁଳି ବିନିମୟ ହୋଇଥିବା ଥାନା ଅଧିକାରୀ ସୂଚନା ଦେଇଛନ୍ତି l
ଭିଡିଓ ସୌଜନ୍ୟ : ସମ୍ବାଦଦାତା,ମାଲକାନଗିରି
ଗୁଳି ବିନିମୟ ସମୟରେ 60 ଜଣ ଛତ୍ରଭଙ୍ଗ ଦେଇଥିଲେ । ସେମାନଙ୍କ ମଧ୍ୟରୁ 2ଜଣଙ୍କୁ ପୋଲିସ ଧରିବାରେ ସଫଳ ହୋଇଛି । 47ଟି କାଉଡିରେ 1123 କିଲୋଗ୍ରାମ ଗଞ୍ଜେଇ ସହ 8mm ର ଦୁଇଟି ଗୁଳି, 23 ଟି ହାଣ୍ଡି, 3ଟି ଟାଙ୍ଗିଆ ସହ 5ଟି ଲାଠି ପୋଲିସ ଜବତ କରିଛି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
