ଭୁବନେଶ୍ବର: ଡେଲିଭରି ବୟର ଉନ୍ମକ୍ତକାଣ୍ଡ । ବିକଟାଳ ହର୍ଣ୍ଣ ବଜାଇବାକୁ ନେଇ ଉପୁଜିଲା ଗଣ୍ଡଗୋଳ ପରିସ୍ଥିତି । ବୁଝାସୁଝା ପାଇଁ ପହଞ୍ଚିଥିବା ପୋଲିସ ଷ୍ଟାଫକୁ ଛୁରାମାଡ କରି ଗିରଫ ହେଲା ଜଣେ ଯୁବକ । ମଞ୍ଚେଶ୍ବର ଥାନା ଶ୍ରୀରାମ ନଗରଠାରେ ପୋଲିସକୁ ଛୁରାମାଡ ଘଟଣାରେ ଗିରଫ ହୋଇ କୋର୍ଟ ଚାଲାଣ ହେଲା ଡେଲିଭରି ବୟ ଦୀପକ ନାୟକ ।
ଡେଲିଭରି ବୟେର ଆତଙ୍କରାଜ୍ :
ପୋଲିସକୁ ଛୁରାମାଡ ଡେଲିଭରି ବୟେ ଗିରଫ:
ତେବେ ଘଟଣା ସ୍ଥଳରେ ପାଟ୍ରୋଲିଂ କରୁଥିବା ପିସିଆର ଷ୍ଟାଫ୍ ଖବର ପାଇ ପହଞ୍ଚିଥିଲେ । ପରେ ଉତ୍ୟକ୍ତ ଯୁବକ ଜଣଙ୍କ ପକେଟରୁ ଛୁରା ବାହାର କରି ହଠାତ୍ ଆଖିବୁଜା ମାଡ କରିଥିଲା । ଫଳରେ ପୋଲିସ କନଷ୍ଟେବଳ ଗୋପି ସବରଙ୍କ ଛାତିରେ ଛୁରା ମାଡ଼ ହୋଇଥିଲା । ଯାହାଫଳରେ ସେ ଆଘାତ ହୋଇଥିଲେ । ପୋଲିସ ସେହି ଯୁବକର ପିଛାକରି ତାକୁ କାବୁ କରିଥିଲା । ପୋଲିସକୁ ଆକ୍ରମଣ ଓ ସର୍ବସାଧାରଣରେ ଆତଙ୍କ ଖେଳାଇବା ନେଇ ଗିରଫ କରିଛି କମିଶନରେଟ୍ ପୋଲିସ ।ଏହି ଛୁରାମାଡ଼ ସମୟରେ ଅନ୍ୟ ଜଣେ ହୋମଗାର୍ଡ ମଧ୍ୟ ସାଧାରଣ କ୍ଷତାକ୍ତ ହୋଇଥିଲେ । ସେହିଠାରେ ଥିବା ତିନି ଯୁବକ ମଧ୍ୟ ଆଘାତ ହୋଇଥିଲେ ।
ଏହା ମଧ୍ୟ ପଢନ୍ତୁ....ପୁତ୍ରହନ୍ତା ମାଆକୁ ସଜ୍ଜା, ଆଜୀବନ କାରାଦଣ୍ଡରେ ଦଣ୍ଡିତ କଲେ କୋର୍ଟ - LIFE IMPRISONMENT ଏହା ମଧ୍ୟ ପଢନ୍ତୁ....ମୈତ୍ରୀବିହାର ଲଜ୍ଜା: ପଡୋଶୀ ସାଜିଥିଲେ ସଇତାନ, 3 ଗିରଫ - Maitribihar Apartment Rape Case |
ଏମିତି କହିଲେ ଡିସିପି:
ଏନେଇ ଭୁବନେଶ୍ୱର ଡିସିପି ପିନାକ ମିଶ୍ର କହିଛନ୍ତି,"ମଞ୍ଚେଶ୍ବର ଶ୍ରୀରାମ ନଗର ଅଞ୍ଚଳରେ ଘଟଣା ଘଟିବା ସମୟରେ ପୋଲିସ ପାଟ୍ରୋଲିଂ ଟିମ୍ ଡ୍ୟୁଟିରେ ଥିଲେ । ସେହି ସମୟରେ ଛୁରାମାଡ କରି ଦୁର୍ବୃତ୍ତ ଖସି ଯାଉଥିବାବେଳେ ତାକୁ କାବୁ କରିଥିଲା ପୋଲିସ । ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରାଯାଇଛି । ଅଭିଯୁକ୍ତର ପୂର୍ବ ଅପରାଧୀକ ରେକର୍ଡକୁ ଯାଞ୍ଚ କରାଯିବ । ବର୍ତ୍ତମାନ ଘଟଣାର ତଦନ୍ତ ଜାରି ରହିଛି । "
ଇଟିଭି ଭାରତ, ଭୁବନେଶ୍ବର
