ନୂଆଦିଲ୍ଲୀ: ଭାରତ-ପାକିସ୍ତାନ ମଧ୍ୟରେ ଥିବା ସମ୍ପର୍କ କାହାରିକୁ ଅଛପା ନାହିଁ । ଏହାରି ଭିତରେ ଦୀର୍ଘ 9 ବର୍ଷ ପରେ ଭାରତର ବୈଦେଶିକ ମନ୍ତ୍ରୀ ପାକିସ୍ତାନ କରିବାକୁ ଯାଉଛନ୍ତି । ପାକିସ୍ତାନରେ ହେବାକୁ ଯାଉଥିବା SCO(ସଂଘାଇ ସହଯୋଗ ସଙ୍ଗଠନ) ବୈଠକରେ ସାମିଲ ହେବାକୁ ପାକିସ୍ତାନ ଗସ୍ତ କରିବେ ଜୟଶଙ୍କର । ଏହା ପୂର୍ବରୁ 2025ରେ ତତତ୍କାଳୀନ ବୈଦେଶିକ ମନ୍ତ୍ରୀ ସ୍ବଷମା ସ୍ବରାଜ ପାକିସ୍ତାନ ଗସ୍ତରେ ଯାଇଥିଲେ । ଏହା ପରେ ପ୍ରଥମ ଥର ବୈଦେଶିକ ମନ୍ତ୍ରୀ ଭାବେ ଗସ୍ତ କରିବାକୁ ଯାଉଛନ୍ତି ଜୟଶଙ୍କର । ପୂର୍ବରୁ ବୈଠକରେ ଯୋଗ ଦେବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନିମନ୍ତ୍ରଣ ଦେଇଥିଲା ପାକିସ୍ତାନ ।
କେବେ ହେବ ସଂଘାଇ ସହଯୋଗ ସଙ୍ଗଠନ ବୈଠକ ?
ପାକିସ୍ତାନର ରାଜଧାନୀ ଇସଲାମବାଦରେ ଆସନ୍ତା 15 ଓ 16 ଅକ୍ଟୋବରରେ ହେବାକୁ ଯାଉଛି ସଂଘାଇ ସହଯୋଗ ସଙ୍ଗଠନ ବୈଠକ । ଏହି ଶିଖର ସମ୍ମିଳନୀରେ ସାମିଲ ହେବାକୁ ପାକିସ୍ତାନ ଗସ୍ତ କରିବେ ଜୟଶଙ୍କର । ଦୁଇ ଦିନ ଧରି ହେବାକୁ ଥିବା ଏହି ବୈଠକରେ ଚୀନ ଓ ଋଷ ଭଳି ଦେଶ ମଧ୍ୟ ସାମିଲ ହେବେ ।
ପ୍ରଧାନମନ୍ତ୍ରୀ ମୋଦିଙ୍କୁ ବି ନିମନ୍ତ୍ରଣ କରିଥିଲା ପାକ୍:
ଗତ ଅଗଷ୍ଟ ମାସରେ ପାକିସ୍ତାନ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସଂଘାଇ ସହଯୋଗ ସଙ୍ଗଠନର ବୈଠକରେ ସାମିଲ ହେବାକୁ ନିମନ୍ତ୍ରଣ କରିଥିଲା । ପାକିସ୍ତାନ ମୁଖପାତ୍ର ମୁମତାଜ ଜହରା ବଲୁଚ କହିଥିଲେ କି, ଆମେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏହି ବୈଠକରେ ଯୋଗ ଦେବାକୁ ନିମନ୍ତ୍ରଣ ଦେଇଛୁ । ତେବେ ଏହି ବୈଠକରେ ପ୍ରଧାନମନ୍ତ୍ରୀ ମୋଦି ନୁହେଁ ବୈଦେଶିକ ମନ୍ତ୍ରୀ ଏସ ଜୟଶଙ୍କର ସାମିଲ ହେବାକୁ ଯାଉଛନ୍ତି ।
ସଂଘାଇ ସହଯୋଗ ସଙ୍ଗଠନର ମହତ୍ତ୍ବ କଣ ?
ସଂଘାଇ ସହଯୋଗ ସଙ୍ଗଠନ ବୈଠକ ପୂର୍ବରୁ ମନ୍ତ୍ରୀସ୍ତରୀୟ ଆଲୋଚନା ଓ ବରିଷ୍ଠ ଅଧିକାରୀଙ୍କ ମାରଥନ ବୈଠକ ହେବ । ଏଥରେ ପ୍ରତିନିଧି ମାନେ ଦେଶ ମଧ୍ୟରେ ଅର୍ଥ, ସାମାଜିକ-ସଂସ୍କୃତି, ମାନବୀୟ ସହଯୋଗ ଉପରେ ଧ୍ୟାନ କେନ୍ଦ୍ରିତ କରାଯିବ । SCOରେ ଭାରତ, ଚୀନ, ଋଷ, କାଜିକିସ୍ତାନ, କିର୍ଗିସ୍ତାନ, ତାଜିକିସ୍ତାନ ଓ ଉଜବେକିସ୍ତାନ ଭଳି ପ୍ରଭାବଶାଳୀ ଦେଶ ରହିଛନ୍ତି ।
