କୋରାପୁଟ: ରେଳ ଧରଣାରୁ ଖସିଲା ଟ୍ରେନ । କୋରାପୁଟ ଭେଜା ରେଳଷ୍ଟେସନ ନିକଟରେ ଏକ ମାଲବାହୀ ଟ୍ରେନ ଲାଇନଚ୍ୟୁତ ହୋଇଛି । ଗତକାଲି ବିଳମ୍ବିତ ରାତିରେ କୋରାପୁଟ ଓ ବିଶାଖାପାଟଣା ମଧ୍ୟରେ ୨୫ କିମି ଦୂରରେ ଘଟିଛି ଏହି ଘଟଣା । ଟ୍ରେନର ୬ଟି ବଗି ଟ୍ରାକରୁ ଖସିବା ଫଳରେ ଏହି ରୁଟରେ ଚାଲିଥିବା କିରଣ୍ଡଲ-ବିଶାଖାପାଟଣା ଏବଂ ବିଶାଖାପାଟଣା-କିରଣ୍ଡଲ ଏକ୍ସପ୍ରେସ ବାତିଲ କରାଯାଇଛି ।
କିରଣ୍ଡଲରୁ ଲୁହା ପଥର ବୋଝେଇ ଟ୍ରେନଟି ବିଶାଖାପାଟଣା ଅଭିମୁଖେ ଯାଉଥିବାବେଳେ ଅଘଟଣ ଘଟିଛି । ଘଟଣାସ୍ଥଳରେ ବଗି ଗୁଡ଼ିକୁ ରେଳ ଧାରଣା ଉପରୁ ଉଠାଇବାର ପ୍ରକ୍ରିୟା ଆରମ୍ଭ ହୋଇଯାଇଛି । ଦୁର୍ଘଟଣାସ୍ଥଳରେ ରିଲିଫ ଟ୍ରେନ ପହଞ୍ଚିଛି । ତେବେ କେଉଁ କାରଣରୁ ଏହି ଅଘଟଣ ଘଟିଛି ତାହା ଏପର୍ଯ୍ୟନ୍ତ ଅସ୍ପଷ୍ଟ ରହିଛି । ତଦନ୍ତ ପରେ ଦୁର୍ଘଟଣାର କାରଣ ସ୍ପଷ୍ଟ ହେବ ।
କୋରାପୁରଟରୁ ସିଏଚ ଶାନ୍ତାକାର, ଇଟିଭି ଭାରତ
