କୋରାପୁଟ: ବନ୍ଧୁଗାଁ ବ୍ଲକ ହେଉଛି କୋରାପୁଟ ଜିଲ୍ଲାର ଏକ ଆଦିବାସୀ ବହୁଳ ଅଞ୍ଚଳ । ଯିଏକି ଓଡ଼ିଶା- ଆନ୍ଧ୍ର ସୀମାନ୍ତରେ ଅବସ୍ଥିତ । କିନ୍ତୁ ଏଠାରେ ବଢିବାରେ ଲାଗିଛି ବେଆଇନ ମଦ କାରବାର । ତେବେ ମଦ ଭାଟି ବନ୍ଦ ନହେଲେ ଜନଜୀବନ ଅସ୍ତବ୍ୟସ୍ତ ହୋଇଉଠିବ ବୋଲି ଆଲମଣ୍ଡାର ସରପଞ୍ଚ କାନ୍ନା ରତ୍ନାଲୁ ଅଭିଯୋଗ କରିଛନ୍ତି ।
ବନ୍ଧୁଗାଁରେ ବିହାରୀ ମଦ ବିକ୍ରିକୁ ତୀବ୍ର ବିରୋଧ, ଜିଲ୍ଲାପାଳଙ୍କୁ ଭେଟିଲେ 10 ସରପଞ୍ଚ
ଏନେଇ ଏହି ବ୍ଲକର ଦଶ ଜଣ ସରପଞ୍ଚ କୋରାପୁଟ ଜିଲ୍ଲାପାଳଙ୍କୁ ଭେଟି ଅଞ୍ଚଳବାସୀଙ୍କ ଏହି ଦୁଃଖ ଜଣାଇଥିଲେ । ଯଦି ମଦଭାଟି ବନ୍ଦ କରାନଯାଏ, ତେବେ ଚାଷୀ ମୂଲିଆ ଆଦିବାସୀ ସଂଘ ପୁଣିଥରେ ମୁଣ୍ଡଟେକିବ ଓ ଏହାର ପରିଣାମ ପାଇଁ ଜିଲ୍ଲାପାଳ ଦାୟୀ ରହିବେ ବୋଲି ସେମାନେ ଜଣାଇଛନ୍ତି ।
କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ
