କୋରାପୁଟ: ଜିଲ୍ଲା ସଂସ୍କୃତି ବିଭାଗ ଆନୁକୂଲ୍ୟରେ ରଜ ଉତ୍ସବ ପାଳିତ । ଗ୍ରୀଷ୍ମଛୁଟି ଯୋଗୁଁ ପିଲାଙ୍କ ମଧ୍ୟରେ ରଜ ଉତ୍ସବ ସମ୍ପର୍କରେ ଉପଯୁକ୍ତ ତଥ୍ୟ ଜାଣିବା ସମ୍ଭବ ହେଉନଥିବାରୁ ରାଜ୍ୟ ସଂସ୍କୃତି ବିଭାଗ ନିର୍ଦ୍ଦେଶ କ୍ରମେ ଆଜି ଜିଲ୍ଲାରେ ଏହି କାର୍ଯ୍ୟକ୍ରମ ପାଳିତ ହୋଇଛି ।
ଓଡ଼ିଶାର ଛାତ୍ରଛାତ୍ରୀ ଓଡ଼ିଶାର ବିଭିନ୍ନ ପର୍ବପର୍ବାଣୀ ସମ୍ପର୍କୀତ ତଥ୍ୟ ଜାଣିବା ନିହାତି ଆବଶ୍ୟକ । ଏହିପରି ଏକ ଆବଶ୍ୟକତାକୁ ଦୃଷ୍ଟିରେ ରଖି ରାଜ୍ୟ ସଂସ୍କୃତି ବିଭାଗର ନିର୍ଦ୍ଦେଶ କ୍ରମେ କୋରାପୁଟରେ ପାଳିତ ହୋଇଥିବା ଏହି ଉତ୍ସବରେ ପିଲା ମାନଙ୍କ ମଧ୍ୟରେ ଝୋଟି ପ୍ରତିଯୋଗିତା ଅନୁଷ୍ଠିତ ହୋଇଥିଲା । ସହରର ବିଭିନ୍ନ ବିଦ୍ୟାଳୟ ଛାତ୍ରୀଙ୍କ ସମେତ ସ୍ଥାନୀୟ ଶିଶୁ ବିକାଶ କେନ୍ଦ୍ରର ବାଳିକାଙ୍କୁ ରଜ ଦୋଳିରେ ଝୁଲିବା ସହ ପୋଡପିଠା, ମିଠା ଓ ରଜ ସ୍ବତନ୍ତ୍ର ପାନ ଖାଇବାର ସୁଯୋଗ ପ୍ରଦାନ କରାଯାଇଛି । ଏହି ଉତ୍ସବ ସମ୍ପର୍କରେ ଆବଶ୍ୟକୀୟ ତଥ୍ୟ ଜାଣିବାର ସୁଯୋଗ ପାଇ ପିଲାଏ ବେଶ ଖୁସି ହୋଇଥିବା ଜିଲ୍ଲା ସଂସ୍କୃତି ଅଧିକାରୀ ପ୍ରୀତିସୁଧା ଜେନା ଜଣାଇଛନ୍ତି ।
ଇଟିଭି ଭାରତ, କୋରାପୁଟ
