କୋରାପୁଟ: ବୋରିଗୁମ୍ମା ଥାନା ଖଟୁଲୁଗୁଡା ନିକଟ ନୀଳଗିରି ବଣରେ ଚାଲିଥିବା ଜୁଆ ଆଡ୍ଡା ଉପରେ ପୋଲିସ ଅଚାନକ ଚଢ଼ାଉ କରି ଘଟଣାସ୍ଥଳରୁ ୭ ଲକ୍ଷ ୮୩ ହଜାର ୪୪୦ ଟଙ୍କା ଜବତ କରିଛି । ଏଥିସହିତ ପାଞ୍ଚ ବିଡା ତାସ ମଧ୍ୟ ଜବତ ହୋଇଥିବା ପୋଲିସ ସୂତ୍ରରୁ ପ୍ରକାଶ ।
ଜୁଆ ଆଡ୍ଡା ଉପରେ ଚଢାଉ: ୭ ଲକ୍ଷ ୮୩ ହଜାର ୪୪୦ ଟଙ୍କା ଜବତ
ଘଟଣା ସ୍ଥଳରୁ ଅନେକ ଜୁଆଡ଼ି ଛତ୍ରଭଙ୍ଗ ଦେଇଥିବାବେଳେ ୨୦ ଜଣଙ୍କୁ ପୋଲିସ କାବୁ କରିବାରେ ସଫଳ ହୋଇଛି । ଅଟକ ହୋଇଥିବା ୨୦ ଜଣଙ୍କ ମଧ୍ୟରୁ ୧୮ ଜଣ ପେଷାଦାର ଜୁଆଡି ହୋଇଥିବାବେଳେ ଆଉ ଦୁଇ ଜଣ ମଦ୍ୟପ ବୋଲି ପୋଲିସ ସୂଚନା ପ୍ରଦାନ କରିଛି । ଅଟକ ହୋଇଥିବା ବ୍ୟକ୍ତିଙ୍କ ମଧ୍ୟରେ କୋରାପୁଟ ଓ ନବରଙ୍ଗପୁର ଜିଲ୍ଲାର କିଛି ବ୍ୟକ୍ତି ରହିଥିବା ଜଣାପଢ଼ିଛି। ପୋଲିସ ଅଧିକ ତଦନ୍ତ ଜାରି ରଖିଥିବା ବୋରିଗୁମ୍ମା ଏସଡ଼ିପିଓ ହରେକୃଷ୍ଣ ମାଝୀ ସୂଚନା ଦେଇଛନ୍ତି ।
କୋରାପୁଟରୁ ସି.ଏଚ ଶାନ୍ତାକାର, ଇଟିଭି ଭାରତ
