କୋରାପୁଟ: ଆଜି (ଜୁନ୍ ୩୦ ତାରିଖ) ଦିନ ନିମୋକୋକାଲ କଞ୍ଜୁଗେଟ ଭ୍ୟାକ୍ସିନ କୋରାପୁଟ ସହରର ଗାନ୍ଧୀନଗରରେ ଥିବା ସହରାଞ୍ଚଳ ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ଶୁଭାରମ୍ଭ କରାଯିବ । ଏନେଇ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ମକରନ୍ଦ ବେଉରା ଏକ ସାମ୍ବାଦିକ ସମ୍ମିଳନୀରେ ସୂଚନା ପ୍ରଦାନ କରିଛନ୍ତି ।
ଶିଶୁଙ୍କୁ ଦିଆଯିବ ନିମୋକୋକାଲ କଞ୍ଜୁଗେଟ ଭ୍ୟାକ୍ସିନ
ଏହାଦ୍ବାରା କୋରାପୁଟ ଜିଲ୍ଲାର ୨୫ ହଜାରରୁ ଅଧିକ ଶିଶୁ ନିମୋକକସ ବିଜାଣୁ ଦ୍ବାରା ହେଉଥିବା ସାଧାରଣ ସାଇନସାଇଟିସ ଠାରୁ ଆରମ୍ଭ କରି ମେନିଂଯାଇଟିସ, ସେପ୍ଟିସେମିଆ ଓ ନିମୋନିଆ ଭଳି ମାରାତ୍ମକ ରୋଗଠାରୁ ପ୍ରତିବର୍ଷ ସୁରକ୍ଷା ପାଇ ଉପକୃତ ହେବେ । ଏହି ଟିକା ପାଞ୍ଚ ବର୍ଷରୁ କମ ବୟସର ଶିଶୁଙ୍କୁ ସୁରକ୍ଷା ଦେଇଥାଏ ବୋଲି ଡାକ୍ତର ବେଉରା ଜଣାଇଛନ୍ତି ।
କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ
