କୋରାପୁଟ: ରାତି ପାହିଲେ ରାଜ୍ୟରେ ବ୍ୟାନ ହେବ ପ୍ଲାଷ୍ଟିକ । ଲୋକେ ଆଉ ମନଇଚ୍ଛା ପ୍ଲାଷ୍ଟିକ ବ୍ୟବହାର କରି ପାରିବେ ନାହିଁ । ଗାନ୍ଧୀ ଜୟନ୍ତୀ ଠାରୁ ଏହାକୁ କଡାକଡି ପାଳନ ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେବାପରେ ଜିଲ୍ଲା ପ୍ରଶାସନ ପକ୍ଷରୁ ଏନେଇ ତତ୍ପରତା ପ୍ରକାଶ ପାଇଛି ।
ଏପଟେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ପରେ କୋରାପୁଟ ଜିଲ୍ଲା ପ୍ରଶାସନ ସଜାଗ ହୋଇଉଠିଛି । ପୂର୍ବରୁ ଏନେଇ ଲୋକଙ୍କୁ ସଚେତନ କରାଯାଇଥିଲା । ଏପଟେ ପ୍ଲାଷ୍ଟିକ ବ୍ୟାନ ନିଷ୍ପତ୍ତିକୁ ଜିଲ୍ଲାବାସୀ ସ୍ବାଗତ କରିଛନ୍ତି ।
ଏନେଇ ପୌରାଞ୍ଚଳ ଅଧିକାରୀ କହିଛନ୍ତି, ଲୋକେ ପ୍ଲାଷ୍ଟିକ ବଦଳରେ ପୂର୍ବରୁ ଯେପରି ପୁରୁଣା ବସ୍ତ୍ରରୁ ତିଆରି କରାଯାଉଥିବା ମୁଣାକୁ ବ୍ୟବହାର କରୁଥିଲେ । ବର୍ତ୍ତମାନ ଲୋକେ ମଧ୍ୟ ପ୍ଲାଷ୍ଟିକ ବଦଳରେ ମୁଣାକୁ ବ୍ୟବହାର କରି ପାରିବେ । ଏପଟେ ପ୍ଲାଷ୍ଟିକ ଓ ପଲିଥିନର ବିକଳ୍ପ ବ୍ୟବସ୍ଥା କରି ବ୍ୟାନ କରିଥିଲେ ଅଧିକ ଫଳପ୍ରଦ ହୋଇପାରିଥାନ୍ତା ବୋଲି ସାଧାରଣରେ ପ୍ରତିକ୍ରିୟା ପ୍ରକାଶ ପାଇଛି ।
କୋରାପୁଟରୁ ସି.ଏଚ ଶାନ୍ତାକାର, ଇଟିଭି ଭାରତ
