କୋରାପୁଟ: ତେଲେଙ୍ଗାନାରେ କିଲେ ପ୍ଲାଷ୍ଟିକ ବଦଳରେ କିଲେ ଚାଉଳ ଦେବାର ଅଭିନବ ପ୍ରୟାସ କରାଯାଇଛି । କୋରାପୁଟ ଜିଲ୍ଲାର କୋଟପାଡ଼ ବିଜ୍ଞାପିତ ଅଞ୍ଚଳ ପରିଷଦ(ଏନଏସି) ତରଫରୁ ମଧ୍ୟ ଅନୁରୂପ କାର୍ଯ୍ୟକ୍ରମର ଆରମ୍ଭ କରାଯାଇଛି । ଏନଏସି ପକ୍ଷରୁ ଏକ କିଗ୍ରା ପ୍ଲାଷ୍ଟିକ ବଦଳରେ ଗୋଟିଏ ଆହାର କୁପନ ଦିଆଯାଉଛି।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ
ସୋମବାର ଠାରୁ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମରେ ଆଜି ପର୍ଯ୍ୟନ୍ତ 61 କିଲୋ ପ୍ଲାଷ୍ଟିକ ସଂଗ୍ରହ କରାଯାଇଛି ବୋଲି ଏନଏସିର କାର୍ଯ୍ୟନିର୍ବାହୀ ଅଧିକାରୀ ଆଲୋକ ରଞ୍ଜନ ସାମନ୍ତରାୟ ଜଣାଇଛନ୍ତି । ଜମା ହୋଇଥିବା ପ୍ଲାଷ୍ଟିକକୁ ଏନଏସି ସଂଗ୍ରହ କରିବା ପରେ ଉଚିତ ପ୍ରକ୍ରିୟାରେ ଏହାକୁ ନଷ୍ଟ କରାଯିବ ବୋଲି ସେ ସୂଚନା ଦେଇଛନ୍ତି।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
