କମଳା ପୂଜାରୀଙ୍କ ପ୍ରଶଂସାରେ ମୋଦି

ନିର୍ବାଚନୀ ପ୍ରଚାରରେ ଜୟପୁର ଆସିଥିବା ମୋଦି ପଦ୍ମଶ୍ରୀ କମଳା ପୂଜାରୀଙ୍କୁ ପ୍ରଶଂସା କରିଛନ୍ତି ।

କୋରାପୁଟ: ପଦ୍ମଶ୍ରୀ କମଳା ପୂଜାରୀଙ୍କ ପ୍ରଶଂସାରେ ଶତମୁଖ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ନିର୍ବାଚନୀ ପ୍ରଚାରରେ ଜୟପୁର ଆସିଥିବା ପ୍ରଧାନମନ୍ତ୍ରୀ ମୋଦି ଆଜି ଜୟ ଜଗନ୍ନାଥରୁ ନିଜର ଭାଷଣ ଆରମ୍ଭ କରିଥିଲେ । ପରେ ସେ ପଦ୍ମଶ୍ରୀ କମଳା ପୂଜାରୀଙ୍କ ପ୍ରଶଂସା କରିଥିଲେ ।

ମୋଦି କହିଥିଲେ, କମଳା ପୂଜାରୀ କୃଷି କ୍ଷେତ୍ରରେ ବିପ୍ଳବ ଆଣିଛନ୍ତି । ସେ ନିଜ ପ୍ରଚେଷ୍ଟାରେ ଧାନର ଅନେକ କିସମ ସୃଷ୍ଟି କରିପାରିଛନ୍ତି । ତେବେ ତାଙ୍କ ପ୍ରଚେଷ୍ଟାର ଫଳ ସମଗ୍ର ଓଡ଼ିଶା ପାଇଁ ଫଳପ୍ରଦ ହେବ ବୋଲି ସେ କହିଥିଲେ ।