କୋରାପୁଟ: ଶୋଇଥିବା ସମୟରେ ବାଳକକୁ କାମୁଡିଲା ବିଶାକ୍ତ ସାପ । ପରିବାର ଲୋକେ ବାଳକକୁ ସଙ୍ଗେ ସଙ୍ଗେ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରିଥିଲେ । ହେଲେ ଚିକିତ୍ସିତ ଅବସ୍ଥାରେ ବାଳକର ମୃତ୍ୟ ହୋଇଥିବା ସୂଚନା ଦେଇଛନ୍ତି ଡାକ୍ତର ।
ଘରେ ଶୋଇଥିବା ସମୟରେ ସାତ ବର୍ଷର ବାଳକକୁ କାମୁଡିଲା ବିଶାକ୍ତ ସାପ । ଫଳରେ ବାଳକ ଚିତ୍କାର କରି ଉଠି କାନ୍ଦିବାକୁ ଲାଗିଥିଲା । ପରିବାର ଲୋକ ଉଠି ଲାଇଟ ଲଗାଇ ଦେଖିବାରୁ ବାଳକର ଗୋଡରେ କ୍ଷତ ଥିବା ସହ ରକ୍ତସ୍ରାବ ହେଉଥିଲା । ତେବେ କେଉଁ କାରଣରୁ ରକ୍ତସ୍ରାବ ହେଲା ଚାରିଆଡେ ଦେଖିବାରୁ ଗୋଟିଏ କୋଣରେ ବିଶାକ୍ତ ସାପଟି ଥିବା ଦେଖାଯାଇଥିଲା ।
ଏଭଳି ଅଭାବବନୀୟ ଘଟଣା ଘଟିଛି ଲକ୍ଷ୍ମୀପୁର ବ୍ଲକ ଅନ୍ତର୍ଗତ ପିପଳପଦର ପଞ୍ଚାୟତର ସୁତିଗୁଡା ଗ୍ରାମରେ । ସାପ କାମୁଡିଥିବା ବାଳକ ହେଲେ ରଞ୍ଜିତ ବାଘଙ୍କ ପୁଅ ବିଶାଳ ବାଘ । ତେବେ ବିଶାଳକୁ ପରିବାର ଲୋକେ ଲଷ୍ମୀପୁର ମେଡିକାଲ ଭର୍ତ୍ତି କରିଥିଲେ । ତେବେ ବାଳକର ଦେହସାରା ବିଷ ଚରି ଯାଇଥିବା କାରଣରୁ ଚିକିତ୍ସିତ ଅବସ୍ଥାରେ ବାଳକର ମୃତ୍ୟୁ ହୋଇଛି ବୋଲି ଡାକ୍ତର ସୂଚନା ଦେଇଥିଲେ ।
ଇଟିିଭି ଭାରତ, କୋରାପୁଟ
