କୋରାପୁଟ : ଜୟପୁର ସଦର ପୋଲିସ ପୁଣିଥରେ ଏକ ଚୋରା ଗଞ୍ଜେଇ ଚାଲାଣ ଗୋଷ୍ଠୀକୁ ଧରିବାରେ ସଫଳ ହୋଇଛି । ଏକ ଟ୍ରକରେ 327 କିଲୋଗ୍ରାମର ଗଞ୍ଜେଇ ବୋଝେଇ ହୋଇ ଯାଉଥିବାବେଳେ ପୋଲିସ ଚଢ଼ାଉ କରି ତିନି ଜଣଙ୍କୁ ଗିରଫ କରିଥିବା ବେଳେ ସେମାନଙ୍କ ନିକଟରୁ 34 ହଜାର ଟଙ୍କା ଓ ତିନୋଟି ମୋବାଇଲ ଫୋନକୁ ମଧ୍ୟ ଜବତ କରିଛି ।
ଜବତ ହୋଇଥିବା ଗଞ୍ଜେଇର ମୂଲ୍ୟ 35 ଲକ୍ଷ ଟଙ୍କା ହେବ ବୋଲି ଆକଳନ କରାଯାଇଛି । କୋରାପୁଟ ଜିଲ୍ଲାରେ ଗଞ୍ଜେଇ ଚୋରାଚାଲାଣ ଧରିବା କ୍ଷେତ୍ରରେ ଅଦ୍ଭୁତପୂର୍ବ ସଫଳତା ପାଇଁ କୋରାପୁଟ ପୋଲିସ ଗତ କିଛିଦିନ ପୂର୍ବେ ରାଜ୍ୟ ସରକାରଙ୍କର ପ୍ରିୟପାତ୍ର ହୋଇପାରିଥିଲେ ।
କୋରାପୁଟରୁ ସି.ଏଚ୍ ଶାନ୍ତାକାର, ଇଟିଭି ଭାରତ
