କୋରାପୁଟ: ବୁଧବାର ଓଡିଶା-ଆନ୍ଧ୍ର ସୀମାନ୍ତରେ ଥିବା କୋଟିଆ ପଞ୍ଚାୟତର ଦୁଇ ପଟେ ପହଞ୍ଚିଥିଲେ ଓଡିଶା ଓ ଆନ୍ଧ୍ରପ୍ରଦେଶର ସ୍ବାସ୍ଥ୍ୟକର୍ମୀ । କୋଟିଆ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରୁ ସ୍ୱାସ୍ଥ୍ୟକର୍ମୀ କୋଟିଆରୁ ନେରେଡିବାଲାସା ଯିବା ରାସ୍ତାରେ ଧୂଳିପଦର, ତଳ ସେମ୍ବୀ ଓ ଉପର ସେମ୍ବୀ ଯାଇ ଲୋକଙ୍କ ସ୍ୱାସ୍ଥ୍ୟ କଥା ପଚାରି ବୁଝି ସେବା ପହଞ୍ଚାଇଥିଲେ । ଆନ୍ଧ୍ରପ୍ରଦେଶର ସ୍ବାସ୍ଥ୍ୟ କର୍ମକାରୀମାନେ କୋଟିଆର ଅପର ଦିଗରେ ଥିବା ଫାଟୁସିନେରୀ ଠାରେ ପହଞ୍ଚି ବିଭିନ୍ନ ପରୀକ୍ଷା ଯନ୍ତ୍ର ସହ ସଜ୍ଜିତ ଏକ ସ୍ୱତନ୍ତ୍ର ଆମ୍ବୁଲାନ୍ସ ଯୋଗେ ସେ ଅଞ୍ଚଳର ଲୋକଙ୍କ ସ୍ୱାସ୍ଥ୍ୟ ପରୀକ୍ଷା କରି ଔଷଧ ବିତରଣ କରିଥିବା ଜଣାପଡ଼ିଛି ।
ଏଥି ସହିତ ଆନ୍ଧ୍ରପ୍ରଦେଶର ସ୍ୱାସ୍ଥ୍ୟ ଅଧିକାରୀ ଫାଟୁସିନେରୀ ଠାରେ ଫାଟୁସିନେରୀ ସମେରା ତାର ନିକଟବର୍ତ୍ତୀ ଫଗୁଣସିନେରୀ, ମାଡ଼କାର ଓ ହରମାଣ୍ଡିଂଗୀ ଗ୍ରାମରେ ଆନ୍ଧ୍ରପ୍ରଦେଶ ଦ୍ୱାରା ନିୟୋଜିତ ଆଶାକର୍ମୀଙ୍କ ସହ ବୈଠକ କରିଥିଲେ । ଅପହଞ୍ଚ ଇଲାକାରେ ସ୍ବାସ୍ଥ୍ୟସେବା ପହଞ୍ଚିବାର ଆବଶ୍ୟକ ଥିବାବେଳେ ଦୁଇ ରାଜ୍ୟର ସେବାକାରୀଙ୍କ ମଧ୍ୟରେ ତାଳମେଳ ରହିପାରିଲେ ଅଞ୍ଚଳବାସୀ ଉପକୃତ ହୋଇପାରନ୍ତେ ବୋଲି ମତପ୍ରକାଶ ପାଇଛି ।
କୋରାପୁଟରୁ ସିଏଚ ସାନ୍ତାକାର, ଇଟିଭି ଭାରତ
