କୋରାପୁଟ: ଅସୁରକ୍ଷିତ ବିଦ୍ୟାଳୟ । ଦଶମନ୍ତପୁର ବ୍ଲକ ଅନ୍ତର୍ଗତ ପୋଡାଗଡ ପ୍ରାଥମିକ ବିଦ୍ୟାଳୟର ଗୋଟାଏ କାନ୍ଥ ଭୁଶୁଡିଯିବା କାରଣରୁ ଅସୁରକ୍ଷିତ ହୋଇପଡିଛି ବିଦ୍ୟାଳୟ ।
ପ୍ରଥମରୁ ପଞ୍ଚମ ପର୍ଯ୍ୟନ୍ତ ସମସ୍ତ ଛାତ୍ରଛାତ୍ରୀଙ୍କୁ ଗୋଟିଏ ଛୋଟ କୋଠରୀ ମଧ୍ୟରେ ପଢାଯାଏ । । ଯାହାକୁ ନେଇ କ୍ଷୋଭ ପ୍ରକାଶ କରିଛନ୍ତି ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଓ ଛାତ୍ରଛାତ୍ରୀ । ଏହାସହ ଭାଙ୍ଗିଥିବା କାନ୍ଥ ସମ୍ପୂର୍ଣ୍ଣ ରୁପେ ଭୁଶୁଡି ନାହିଁ । ଏହାସହ ବିଦ୍ୟାଳୟର ଶୌଚାଳୟ ଓ ରନ୍ଧାଘରକୁ ସେହି କାନ୍ଥ ପାଖଦେଇ ଯିବାକୁ ପଡୁଥିବା କାରଣରୁ ଭୟଭୀତ ଅବସ୍ଥାରେ ରହିଛନ୍ତି ଛାତ୍ରଛାତ୍ରୀ ।
ଏହି ଘଟଣା ବିଷୟରେ ଜାଣିବା ପରେ ବ୍ଲକର ବିଡିଓ ଓ ସମଗ୍ର ଶିକ୍ଷା ଅଭିଯାନର ଯନ୍ତ୍ରୀ ଆସି ପରିସ୍ଥିତିକୁ ଅନୁଧ୍ୟାନ କରି ଫେରିଯାଇଥିବା ଜଣାଇଛନ୍ତି ପ୍ରଧାନ ଶିକ୍ଷୟତ୍ରୀ।
ଅନ୍ୟପଟେ ଖୁବ୍ଶୀଘ୍ର ଏହି ବିଦ୍ୟାଳୟ ଘରଟିକୁ ସୁରକ୍ଷିତ କରିବା ପାଇଁ ପଦକ୍ଷେପ ନିଆଯାଉଥିବା କହିଛନ୍ତି ଦଶମନ୍ତପୁର ବ୍ଲକ ଶିକ୍ଷାଧିକାରୀ ଅର୍ପିତା ପ୍ରଧାନ।
କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ
