କୋରାପୁଟ: ଆସୁଛି ପାର୍ବଣ ଋତୁ । ଧରାପୃଷ୍ଠକୁ ଓହ୍ଲାଇବେ ମା’ ଜଗତ୍ ଜନନୀ ଦୁର୍ଗା । ମା’ଙ୍କ ଆଗମନ ପାଇଁ ସଜେଇ ହେଉଛି ଧରାପୃଷ୍ଠ । ମା’ ଦଶଭୁଜାଙ୍କ ପୂଜା ପାଇଁ ସବୁଠି ଏବେ ପ୍ରସ୍ତୁତି ଜୋରଦାର । ପୋଲିସ ପ୍ରଶାସନ ମଧ୍ୟ ଶାନ୍ତି ଶୃଙ୍ଖଳାର ସହ ପୂଜା ସାରିବାକୁ ସମସ୍ତ ପଦକ୍ଷେପ ଗ୍ରହଣ କରୁଛି ।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ
ଏହି କ୍ରମରେ ବୁଧବାର କୋରାପୁଟ ପୋଲିସ ବିଭିନ୍ନ ପୂଜା ମଣ୍ଡପର କର୍ମକର୍ତ୍ତାଙ୍କ ସହ ଆଲୋଚନା କରିଛି । ପୂଜା ମଣ୍ଡପଗୁଡିକରେ ପଲିଥିନ ବ୍ୟବହାର ନକରିବା, ଅଯଥା ଶବ୍ଦ ପ୍ରଦୂଷଣକୁ ରୋକିବା ସହ ଶାନ୍ତି ଶୃଙ୍ଖଳା ରକ୍ଷା କରିବା ନେଇ ଆଲୋଚନା କରାଯାଇଥିବା ପୌର ଅଧିକାରୀ ଗୌର ଚନ୍ଦ୍ର ପଟ୍ଟନାୟକ କହିଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
