କୋରାପୁଟ: କୋରାପୁଟ ଜିଲ୍ଲା ସଦର ମହକୁମାର ବିଭିନ୍ନ ସରକାରୀ କାର୍ଯ୍ୟାଳୟକୁ ସାନିଟାଇଜ କରାଯାଇଛି । ଆଇଟିଡିଏ , ଡିଆରଡିଏ, ଉପଜିଲ୍ଲାପାଳ ଓ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଆଜି ସାନିଟାଇଜେସନ କରାଯାଇଥିବା ସିଭିଲ ଡିଫେନ୍ସର ଡେପୁଟି ଡ଼ାଇରେକ୍ଟର ରମାକାନ୍ତ ମିଶ୍ର ସୂଚନା ଦେଇଛନ୍ତି ।
ସାନିଟାଇଜ ହେଲା ହସ୍ପିଟାଲ ଓ ସରକାରୀ କାର୍ଯ୍ୟାଳୟ
ଦିନକୁ ଦିନ କୋରାପୁଟରେ ସଂକ୍ରମିତ ବ୍ୟକ୍ତିଙ୍କ ସଂଖ୍ୟା ଵୃଦ୍ଧି ପାଉଥିବା ଯୋଗୁଁ ଅଧିକ ଲୋକଙ୍କ ଚଳପ୍ରଚଳ ହେଉଥିବା ଏପରି ସ୍ଥାନ ଗୁଡିକରେ ସାନିଟାଇଜ କରାଯିବାର ଆବଶ୍ୟକତା ରହିଛି । ତେଣୁ ଏହାକୁ ଦୃଷ୍ଟିରେ ରଖି ଆଗାମୀ ଦିନରେ ଉକ୍ତ ସ୍ଥାନ ଗୁଡିକ ସାନିଟାଇଜ କରିବାକୁ ମଧ୍ୟ କାର୍ଯ୍ୟକ୍ରମ ରଖାଯାଇଥିବା ଶ୍ରୀ ମିଶ୍ର ସୂଚନା ଦେଇଛନ୍ତି । ଏହି କାର୍ଯ୍ୟରେ ପାଞ୍ଚ ଜଣ ସିଭିଲ ଡିଫେନ୍ସ ର ସ୍ବେଛାସେବୀ ଯୋଗଦେଇଥିବାବେଳେ ଅଗ୍ନିଶମ ବିଭାଗ ସହଯୋଗ କରିଥିବା ଦେଖାଯାଇଥିଲା ।
କୋରାପୁଟରୁ ସିଏଚ ସାନ୍ତାକାର, ଇଟିଭି ଭାରତ
