କୋରାପୁଟ: ଜିଲ୍ଲାରେ ଗତ ଦୁଇଦିନ ଧରି ଜାରି ରହିଛି ଲଘୁଚାପ ବର୍ଷା । ଜମିରେ ଧାନ ଚାରା ଶୁଖି ଯାଇଛି । ଏହି ବର୍ଷା କ୍ଷେତରେ ଥିବା ଚାରାର ମୂଳକୁ କେବଳ ଓଦା କରିବା ବୋଲି ପରିବେଶବିତ୍ ମତ ରଖିଛନ୍ତି । ଜିଲ୍ଲାରେ ଗତ କିଛି ବର୍ଷ ଧରି ହେଉଥିବା ଅସନ୍ତୁଳିତ ବୃଷ୍ଟିପାତ ଚିନ୍ତା ବଢ଼ାଇ ଦେଇଥିବା ସେ କହିଛନ୍ତି । ଏହି ବର୍ଷା ଯୋଗୁଁ ରାସ୍ତାଘାଟରେ ପାଣି ଜମି ଯାଇଛି ।
କୋରାପୁଟରେ ପ୍ରବଳ ବର୍ଷା , ଅସ୍ତବ୍ୟସ୍ତ ଜନଜୀବନ
ଜିଲ୍ଲାକୁ ଅରେଞ୍ଜ ଓ୍ବାର୍ଣ୍ଣିଂ ଜାରି କରାଯାଇଛି । ଫଳରେ ଜିଲ୍ଲା ଜରୁରୀକାଳୀନ ବିଭାଗ ସମସ୍ତ ଆବଶ୍ୟକୀୟ ପଦକ୍ଷେପ ଗ୍ରହଣ କରିଛି । ଏନେଇ ଜିଲ୍ଲା ଆପାତକାଳୀନ ଅଧିକାରୀ ସୂଚନା ଦେଇଛନ୍ତି । ଗତ 24 ଘଣ୍ଟା ମଧ୍ୟରେ ଜିଲ୍ଲାରେ 326.7 ମିଲିମିଟର ବୃଷ୍ଟିପାତ ହୋଇଛି ।
କୋରାପୁଟରୁ ସିଏଚ. ଶାନ୍ତାକାର, ଇଟିଭି ଭାରତ
