କୋରାପୁଟ: ରାଜ୍ୟସ୍ତରୀୟ ପରବ ମହୋତ୍ସବରେ ପଦ୍ମଶ୍ରୀ ହଳଧର ନାଗ ସମ୍ମାନିତ । ଗତକାଲି ଏହି ଉତ୍ସବରେ ଯୋଗ ଦେଇ ଥିବାବେଳେ ତାଙ୍କୁ ସମ୍ମାନିତ କରାଯାଇଛି । ତେବେ ଏହି ଅବସରରେ ଓଡ଼ିଶାରେ ସାହିତ୍ୟ ସାଧନାର ସ୍ଥିତି ତଥା କଳା ସଂସ୍କୃତିର ସଂରକ୍ଷଣ ଉପରେ ଆମ ପ୍ରତିନିଧି ତାଙ୍କ ସହ ଆଲୋଚନା କରିଛନ୍ତି ।
''ଲୋକ ସାହିତ୍ୟ ହିଁ କାଳଜଈ ସାହିତ୍ୟ''
ଯେଉଁଠି ସେ କହିଥିଲେ, ଓଡ଼ିଆ ଭାଷାର ଆଦୃତ ଏବେ ଧିରେ ଧିରେ କମିବାରେ ଲାଗିଛି । ମୋବାଇଲ,ଟିଭି ଜଗତରେ ଓଡ଼ିଆ ସାହିତ୍ୟ ସ୍ରଷ୍ଟାଙ୍କ ଲୋପ ପାଇବାରେ ଲାଗିଛି । ଜାତି ସହ ଭାଷା ଭିନ୍ନ ଭିନ୍ନ । କିନ୍ତୁ ଭାଷା କେବଳ ଭାଷା । ଆଉ ଆଦର୍ଶ ମଣିଷ ହିଁ ପ୍ରକୃତ ମଣିଷ । ଯେଉଁ ଭାଷାରେ ଲୋକ ସାହିତ୍ୟ ରହିଛି, ସତ୍ ସାହିତ୍ୟ, ଯେଉଁ ଭାଷାର ସାହିତ୍ୟ ସମାଜକୁ ଦିଗଦର୍ଶନ ଦେଇଛି ତାହା ହିଁ କାଳଜୟୀ ସାହିତ୍ୟ ।
ଏପରିକି ନିଜ କୋଶଳୀ ଭାଷାର ସମସ୍ତ କବି ଓ କାବ୍ୟଙ୍କୁ ସମ୍ମାନ ଦେବା ସହ ଶହ ଶହ ହଳଧର ନାଗ ଏ ମାଟିରେ ଜନ୍ମ ନିଅନ୍ତି ବୋଲି କହିଥିଲେ ପଦ୍ମଶ୍ରୀ ।
କୋରାପୁଟରୁ ସିଏଚ.ଶାନ୍ତାକାର ଇଟିଭି ଭାରତ
