କୋରାପୁଟ: ଅକ୍ସିଜେନ ସିଲିଣ୍ଡର ଗାଡିରେ ଗଞ୍ଜେଇ ଚାଲାଣ । କୋରାପୁଟରୁ ଜୟପୁର ଅଭିମୁଖେ ଅକ୍ସିଜେନ ସିଲିଣ୍ଡର ନେଇ ଯାଉଥିବା ଏକ ଟ୍ରକରୁ ବିପୁଳ ପରିମାଣର ଗଞ୍ଜେଇ ଜବତ କରିଛି ଜୟପୁର ପୋଲିସ ।
ଅକ୍ସିଜେନ ସିଲିଣ୍ଡର ଟ୍ରକରେ ଚାଲିଥିଲା ଗଞ୍ଜେଇ କାରବାର
ସୂଚନା ଅନୁଯାୟୀ, ଜୟପୁର ପୋଲିସ ଘାଟିରେ ଯାଞ୍ଚ କରୁଥିବାବେଳେ ଏହି ଟ୍ରକଟିକୁ ଅଟକାଇଥିଲେ । ଟ୍ରକଟିକୁ ଯାଞ୍ଚ କରିବା ପରେ ସେଥିରେ ବହୁ ଗଞ୍ଜେଇ ବସ୍ତା ଜବତ କରିଥିଲା ପୋଲିସ ।
ଜବତ ହୋଇଥିବା ବସ୍ତା ଗୁଡିକରେ 1277 କେଜି ଗଞ୍ଜେଇ ଥିବା ଜଣାପଡିଛି । ଏହାର ଆନୁମାନିକ ମୂଲ୍ୟ ଏକ କୋଟି ଟଙ୍କା ହେବ ବୋଲି ପୋଲିସ ଏକ ପ୍ରେସ ବିବୃତ୍ତିରେ ଜଣାଇଛି ।
ଏହି ମାମଲାରେ ଗାଡି ସମେତ ଡ୍ରାଇଭର ଓ ତାର ସହଯୋଗୀଙ୍କୁ ପୋଲିସ ଗିରଫ କରିଛି । ଦୁଇଜଣ ଅଭିଯୁକ୍ତ ପଞ୍ଜାବର ବୋଲି ଜଣାପଡିଛି ।
କୋରାପୁଟରୁ ସି.ଏଚ୍ ଶାନ୍ତାକାର, ଇଟିଭି ଭାରତ
