କୋରାପୁଟ: ମହିଳାଙ୍କ ପ୍ରତି ଅପମାନଜନକ ଗୀତ ଗାଇଥିବା ଅଭିଯୋଗରେ କଣ୍ଠଶିଳ୍ପୀଙ୍କର ଓମ ସରଣ ଓରଫ୍ ଉମାକାନ୍ତଙ୍କ ବିରୋଧରେ ଏତଲା ଦେଇଛନ୍ତି ନାରୀ ସଂଗଠନ (FIR filed against singer) । ତାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ନାରୀ ସଂଗଠନ । କାର୍ଯ୍ୟାନୁଷ୍ଠାନ ଗ୍ରହଣ ନକରାଗଲେ ଆଗାମୀ ଦିନରେ ରାଜରାସ୍ତାରେ ତୀବ୍ର ଆନ୍ଦୋଳନ କରିବାକୁ ଚେତାବନୀ ଦିଆଯାଇଛି ।
ଏହାକୁ ନେଇ କୋରାପୁଟର ଜଣେ କଳାକାର କହିଛନ୍ତି, "ଏହି ଗୀତକୁ ଆମେ ଘୋର ନିନ୍ଦା କରୁଛୁ । ଯେଉଁମାନେ ଏହି ଗୀତ ଗାଉଛନ୍ତି ସେମାନଙ୍କୁ ଆମେ ନିନ୍ଦା କରୁଛୁ । ଆମ ଅବିଭକ୍ତ କୋରାପୁଟ ଜିଲ୍ଲାର ମାଆ ଭଉଣୀଙ୍କୁ ନେଇ ଯେଉଁ ଅଶ୍ଲୀଳ ଗୀତ ରଚନା ହେଉଛି ତାହାକୁ ପ୍ରଶୟ ଦିଆଯିବନାହିଁ । କେବେ କିଏ ଆମ ମାଆ ଭଉଣୀଙ୍କୁ ଅସମ୍ମାନ କରିବେ ଆମେ ଭାବି ନଥିଲୁ ।"
ଏଭଳି ହୀନ ମାନସିକତାର ଗୀତକୁ ଘୋର ବିରୋଧ କରିଛନ୍ତି ମହିଳା ଗୋଷ୍ଠୀ । ଏହି ଗୀତକୁ ବ୍ୟାନ୍ କରିବା ସହ ଗୀତ ରଚନା କରିଥିବା ଓ କଣ୍ଠ ଦେଇଥିବା ବ୍ୟକ୍ତିଙ୍କ ବିରୋଧରେ ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ମହିଳା ଗୋଷ୍ଠୀ ଦାବି କରିଛନ୍ତି । ଅନୁରୂପ ଭାବେ ସେମିଳିଗୁଡାରେ ମଧ୍ୟ ମହିଳା ଗୋଷ୍ଠୀ ଥାନାରେ ଗୀତରେ ଅଭିଯୋଗ କରିଛନ୍ତି । ଏଦିଗରେ ତଦନ୍ତ କରାଯାଇ ଦୋଷୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜୟପୁର ଅରୂପ ଅଭିଷେକ ବେହେରା କହିଛନ୍ତି ।
