କୋରାପୁଟ:ବିପୁଳ ପରିମାଣର ନକଲି ମଦ ଜବତ । କୋରାପୁଟ ଜିଲ୍ଲା ଅବକାରୀ ବିଭାଗ ପକ୍ଷରୁ କୋଟପାଡରେ ଚଢାଉ କରାଯାଇ ବ୍ୟାପକ ପରିମାଣରେ ନକଲି ମଦ ଜବତ କରାଯାଇଛି।
କୋଟପାଡରୁ ବିପୁଳ ପରିମାଣର ନକଲି ମଦ ଜବତ
କୋଟପାଡର ଓ୍ବାର୍ଡ ନମ୍ବର ୧ର କୁଞ୍ଜଗୁଡାରେ ଚାଲିଥିବା ଏକ ନକଲି ମଦ କାରଖାନାରେ ଖାଲି ବୋତଲ, ରାପର, ଠିପି ସିଲ୍ ସହିତ ନକଲି ମଦ ଜବତ କରିଛନ୍ତି ଅବକାରୀ ବିଭାଗ କର୍ମଚାରୀ ।
କିନ୍ତୁ ଏହି ମାମଲାରେ କେହି ଗିରଫ ହୋଇନଥିବା ଜଣାପଡିଛି । ଜବତ ମଦର ଆନୁମାନିକ ମୂଲ୍ୟ ୫୦ ହଜାର ଟଙ୍କା ହୋଇଥିବା ବେଳେ ୨୪୫ ଲିଟର ଅପମିଶ୍ରିତ ପେଟ୍ରୋଲ ଓ ଡିଜେଲ ଜବତ କରିଛି ପୋଲିସ ।
କୋରାପୁଟରୁ ସି.ଏଚ୍ ଶାନ୍ତାକାର, ଇଟିଭି ଭାରତ
