କୋରାପୁଟ: ସମସ୍ୟାର ଚଷାପୁଅ । କେଉଁଠି ଚାଷୀକୁ ଧାନ କ୍ରୟ ବେଳେ ଉଚିତ ପ୍ରାପ୍ୟ ମିଳୁନି ତ ଆଉ କେଉଁଠି କଟନି ଛଟନି ମଧ୍ୟ କରାଯାଉଛି । କେଉଁଠି ଖୋଲା ଆକାଶ ତଳେ ପଡି ରହିଛି କ୍ବିଣ୍ଟାଲ କ୍ବିଣ୍ଟାଲ ଧାନ । ଯାହାକୁ ନେଇ ଚାଷୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି ।
ମଣ୍ଡିରେ ଅବ୍ୟବସ୍ଥାକୁ ନେଇ କଂଗ୍ରେସର ୪ ଘଣ୍ଟିଆ ରାସ୍ତାରୋକ
ଧାନ ମଣ୍ଡିରେ ଅବ୍ୟବସ୍ଥାକୁ ନେଇ କୋରାପୁଟ ଜିଲ୍ଲା କଂଗ୍ରେସ ତରଫରୁ ୪ ଘଣ୍ଟିଆ ରାସ୍ତାରୋକ କରାଯାଇଥିଲା । ଟ୍ରାଫିକ ଛକରେ କରାଯାଇଥିବା ରାସ୍ତାରୋକରେ ବଡ ବଡ ଗାଡି ରାସ୍ତାରେ ଅଟକି ରହିଥିଲା । ପଞ୍ଜିକୃତ ସମସ୍ତଙ୍କର ଧାନ କ୍ରୟ କରିବାକୁ ଦଳ ତରଫରୁ ଦାବି କରାଯାଇଛି।
କୋରାପୁଟରୁ ସି.ଏଚ ଶାନ୍ତାକାର, ଇଟିଭି ଭାରତ
