କୋରାପୁଟ: ଭିଜିଲାନ୍ସ ଜାଲରେ ପୋଲିସ ବାବୁ । କୋରାପୁଟ ଜିଲ୍ଲା ବୈପାରୀଗୁଡା ଥାନା ଅଧିକାରୀ ସୁଶାନ୍ତ କୁମାର ଶତପଥୀଙ୍କୁ ଭିଜିଲାନ୍ସ ଅଟକ ରଖିଛି । ଗତକାଲି (ସୋମବାର) ସନ୍ଧ୍ୟାରେ ଏକ ଘରୋଇ ବସରେ ଥାନା ଅଧିକାରୀ ନିଜ କଟକସ୍ଥିତ ଘରକୁ ଯାଉଥିବା ବେଳେ ଜୟପୁରର ଟାଙ୍କୁଆ ନିକଟରେ ଜୟପୁର ଭିଜିଲାନ୍ସ ଟିମ୍ ମାଡି ବସିଥିଲା । ବସରେ ତାଙ୍କ ନିକଟରୁ ଦୁଇ ଲକ୍ଷ ସତୁରି ହଜାର ନଗଦ ଟଙ୍କା ଜବତ କରିଥିଲା ଜୟପୁର ଭିଜିଲାନ୍ସ । ଏହାପରେ ଆଜି ତାଙ୍କର କଟକରେ ଥିବା ସରକାରୀ କ୍ବାର୍ଟରରେ ଭିଜିଲାନ୍ସ ରେଡ୍ କରିଛି ।
ଏହାମଧ୍ୟ ପଢନ୍ତୁ.. ନବରଙ୍ଗପୁର ଅବକାରୀ ଅଧୀକ୍ଷକଙ୍କ ଘରେ ଭିଜିଲାନ୍ସ ରେଡ୍
ଭିଜିଲାନ୍ସ ଜାଲରେ କୋରାପୁଟ ଜିଲ୍ଲା ବୈପାରୀଗୁଡା ଥାନା ଅଧିକାରୀ ସୁଶାନ୍ତ କୁମାର ଶତପଥୀ । ଗତକାଲି (ସୋମବାର) ସନ୍ଧ୍ୟାରେ ଏକ ଘରୋଇ ବସରେ ନିଜ କଟକସ୍ଥିତ ଘରକୁ ଯାଉଥିବା ବେଳେ ଧରିଥିଲା ଜୟପୁର ଭିଜିଲାନ୍ସ ଟିମ । ବସରେ ଲକ୍ଷାଧିକ ଟଙ୍କା ଧରି ଯାଉଥିବା ଖବର ପାଇଥିଲେ । ଲକ୍ଷାଧିକ ଟଙ୍କା ନେଇ ବସରେ ଯାଉଥିବା ବେଳେ ଜୟପୁର ସହର ଟାଙ୍କୁଆ ଠାରେ ଭିଜିଲାନ୍ସ ଅତର୍କିତ ଚଢାଉ କରି ତାଙ୍କୁ ଧରିଥିଲା । ଏହାପରେ ଜୟପୁର ସ୍ଥିତ ଭିଜିଲାନ୍ସ କାର୍ଯ୍ୟାଳୟକୁ ଆଣି ପଚରାଉଚରା ଜାରି ରହିଛି । ତେବେ ରେଡ୍ ବେଳେ କଟକସ୍ଥିତ କଟକସ୍ଥିତ ସରକାରୀ କ୍ବାର୍ଟରରୁ ମିଳିଲା ଘରୁ ମିଳିଲା ବିଡା ବିଡା ୫୦୦ ଟଙ୍କିଆ ନୋଟ୍ ।
