କୋରାପୁଟ: ଓଡିଶା ମାଟିରେ ଚଳିତ ମାସ 8 ତାରିଖରେ ଆନ୍ଧ୍ର ସରକାର ନିର୍ବାଚନ କରିଥିଲେ । ଆନ୍ଧ୍ର ସମେତ ଓଡ଼ିଶାର କୋଟିଆ ପଞ୍ଚାୟତରେ ଜିଲ୍ଲା ପରିଷଦ ନିର୍ବାଚନ କରିଥିଲେ ଆନ୍ଧ୍ରପ୍ରଦେଶ ସରକାର । ଏହି ସମୟରେ ଆନ୍ଧ୍ର ଅଧିକାରୀଙ୍କ ଆଚରଣ ଓ ପଦକ୍ଷେପକୁ ଘୋର ନିନ୍ଦା କରାଯାଇଛି ।
ଭୋଟରଙ୍କୁ ପ୍ରଲୋଭିତ କରିବା ପାଇଁ ଆନ୍ଧ୍ର ଏସପି ମିଠା-ବିସ୍କୁଟ ବାଣ୍ଟିବା ସହ ଭୋଟରଙ୍କୁ ମାଲବାହୀ ଗାଡିରେ ଅଣାଯାଇଥିଲା । ତେଣୁ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଆବଶ୍ୟକ ବୋଲି ଆମ କୋଟିଆ ସଂଗଠନର ଆବାହକ ଗଦାଧର ପରିଡା ଦାବି କରିଛନ୍ତି ।
ବିଶେଷ ଭାବେ ଆନ୍ଧ୍ରପ୍ରଦେଶର ଜଣେ ବରିଷ୍ଠ ଅଧିକାରୀ କୋଭିଡ଼ କଟକଣା ଲାଗିଥିବା ଧୂଳିପଦର ମଧ୍ୟକୁ ଜବରଦସ୍ତ ଧସେଇ ପଶିବାକୁ ଉଦ୍ୟମ କରିଥିଲେ । ଏହାସହ ଓଡ଼ିଶାର ଏକଜିକ୍ୟୁଟିଭ ମାଜିଷ୍ଟ୍ରେଟଙ୍କୁ ଦୁର୍ବ୍ୟବହାର କରିବା ଘଟଣାକୁ ପରିଡା ଘୋର ନନ୍ଦା କରିଛନ୍ତି । ସେହି ଅଧିକାରୀଙ୍କ ବିରୁଦ୍ଧରେ କୋରାପୁଟ ଜିଲ୍ଲା ପ୍ରଶାସନ ତରଫରୁ ମାମଲା ରୁଜୁ କରାଯିବା ନିମନ୍ତେ ଦାବି କରିଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
