କୋରାପୁଟ: ବୁଧବାର ଠୁ ଆରମ୍ଭ ହେଉଛି ଓଡିଶା ମାଧ୍ୟମିକ ଶିକ୍ଷା ବୋର୍ଡ ଦ୍ବାରା ପରିଚାଳିତ ଦଶମ ଶ୍ରେଣୀ ବୋର୍ଡ ପରୀକ୍ଷା । ଏନେଇ ଜିଲ୍ଲା ଶିକ୍ଷା ବିଭାଗ ପକ୍ଷରୁ ସମସ୍ତ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ । ସେପଟେ, ପରୀକ୍ଷାକୁ ନେଇ ଛାତ୍ରଛାତ୍ରୀଙ୍କ ମଧ୍ୟରେ ଉତ୍କଣ୍ଠା ଭରି ରହିଛି ।
ଆସନ୍ତାକାଲି ମାଟ୍ରିକ ପରୀକ୍ଷା; କୋରାପୁଟରେ ଲାଗିଲା 21 ସିସିଟିଭି
ଜିଲ୍ଲାର ସମୁଦାୟ 67ଟି କେନ୍ଦ୍ରରେ 15,408ଜଣ ପରୀକ୍ଷାର୍ଥୀଙ୍କ ପାଇଁ ବ୍ୟବସ୍ଥା କରାଯାଇଛି । ଏହା ସହ ପରୀକ୍ଷାରେ ସ୍ବଚ୍ଛତା ଆଣିବାକୁ 21ଟି ପରୀକ୍ଷା କେନ୍ଦ୍ରରେ ସିସିଟିଭି କ୍ୟାମେରା ଲଗାଯାଇଥିବା କହିଛନ୍ତି ଜିଲ୍ଲା ଶିକ୍ଷା ଅଧିକାରୀ ରାମଚନ୍ଦ୍ର ନାହାକ । ଏହି ସମସ୍ତ ପରୀକ୍ଷା କେନ୍ଦ୍ରକୁ ସୁରୁଖୁରୁରେ ପ୍ରଶ୍ନପତ୍ର ପହଞ୍ଚାଇବା ପାଇଁ 10ଟି ନୋଡାଲ କେନ୍ଦ୍ର ଖୋଲା ଯାଇଥିବାବେଳେ, ସେଥିମଧ୍ୟରୁ 5ଟି କେନ୍ଦ୍ରକୁ ସୁରକ୍ଷା ଦୃଷ୍ଟିରୁ ଥାନାରେ ଖୋଲାଯାଇଥିବା ସେ ଜଣାଇଛନ୍ତି ।
କୋରାପୁଟରୁ ସିଏଚ. ଶାନ୍ତାକାର, ଇଟିଭି ଭାରତ
