କୋରାପୁଟ: ପୁଣି ସାମ୍ନାକୁ ଆସିଲା ଜନନୀ ଯନ୍ତ୍ରଣା । ରାସ୍ତା ଖରାପ ଯୋଗୁଁ ଆସିପାରିଲାନି ଆମ୍ବୁଲାନ୍ସ । ଫଳରେ 3 କିଲୋମିଟର ଭାରରେ ବୁହା ହେଲେ ଗର୍ଭବତୀ ମହିଳା । ଏଭଳି ଅଭାବନୀୟ ଘଟଣା ଘଟିଛି କୋରାପୁଟ ଜିଲ୍ଲା ନାରାୟଣପାଟଣା ବ୍ଲକ ବିଜା ଘାଟି ପଞ୍ଚାୟତ ଅନ୍ତର୍ଗତ ଉପରଗଡତି ଗାଁରେ ।
ଜନନୀ ଯନ୍ତ୍ରଣା, ପୁଣି 3 କିଲୋମିଟର ଭାରାରେ ବୁହାହେଲେ ପ୍ରସୂତୀ
ସୂଚନା ଅନୁସାରେ, ଗାଁର ସୋନିଆ ଜାନୀଙ୍କ ପତ୍ନୀ ମିଶିଙ୍ଗ୍ ଜାନୀଙ୍କୁ ପ୍ରସବ ବେଦନା ହୋଇଥିଲା । ପରିବାର ଲୋକେ 108 ଆମ୍ବୁଲାନ୍ସକୁ ଫୋନ କରିଥିଲେ । ଆମ୍ବୁଲାନ୍ସ ଆସିଲା ହେଲେ ରାସ୍ତା ଖରାପ ଥିବାରୁ 3 କିଲୋମିଟର ଦୂରରେ ଅଟକି ଯାଇଥିଲା । ଫଳରେ ବାଧ୍ୟ ହୋଇ ଲୋକେ ପ୍ରସୂତିଙ୍କୁ ଭାରା କରି ପାହାଡିଆ ରାସ୍ତାରେ ବୋହି ନେଇଥିଲେ । ଆମ୍ବୁଲାନ୍ସ ଯୋଗେ ତାଙ୍କୁ 18 କିଲୋମିଟର ଦୂରରେ ଥିବା ଏକ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ସେ ଏକ କନ୍ୟା ସନ୍ତାନ ଜନ୍ମ ଦେଇଛନ୍ତି ।
କୋରାପୁଟରୁ ସି.ଏଚ ଶାନ୍ତାକାର, ଇଟିଭି ଭାରତ
