କୋରାପୁଟ: ଜିଲ୍ଲା ସ୍ଥିତ ସୁନାବେଡା ଥାନା ଅଞ୍ଚଳ ଜାତୀୟ ରାଜପଥରେ ସଡକ ଦୁର୍ଘଟଣା । ଏଥିରେ ଗାଈ ଚରାଳି ସମେତ ୫ଟି ମଇଁଷିଙ୍କ ମୃତ୍ୟୁ ଘଟିଥିବା ଜଣାପଡିଛି ।
ସୂଚନା ଅନୁଯାୟୀ ଆଜି(ବୁଧବାର) ଭୋର ସମୟରେ ବିଶାଖାପଟନମରୁ ଜଗଦଲପୁରକୁ ଆସୁଥିବା ଏକ ଯାତ୍ରୀବାହୀ ବସ ହାଲ ଗେଷ୍ଟ ହାଉସ ନିକଟରେ ରାସ୍ତାରେ ଯାଉଥିବା 5ଟି ମଇଁଷିଙ୍କୁ ଧକ୍କା ଦେଇ ନିକଟ ପଡ଼ିଆ ଭିତରକୁ ପସି ଯାଇଥିଲା । ଏଥିରେ ବସରେ ବସିଥିବା ଯାତ୍ରୀଙ୍କର କ୍ଷତି ହୋଇନଥିଲେ ମଧ୍ୟ ଜଣେ ବ୍ୟକ୍ତି ଏବଂ ୫ଟି ମଇଁଷିଙ୍କ ମୃତ୍ୟୁ ଘଟିଛି । ଘଟଣାସ୍ଥଳରେ ସୁନାବେଡା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଅନ୍ୟପଟେ ଦୁର୍ଘଟଣା ପରେ ବସ୍ ଡ୍ରାଇଭର୍ ଫେରାର୍ ହୋଇଯାଇଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
