କୋରାପୁଟ: ଦାମନୋଯଡି ସ୍ଥିତ ନାଲକୋ ପ୍ଲାଣ୍ଟରେ ବିସ୍ଫୋରଣ ଘଟିଛି । ଏହି ବିସ୍ଫୋରଣରେ ୩ ଜଣ ଠିକା ଶ୍ରମିକ ଗୁରୁତର ଆହତ ହୋଇଛନ୍ତି । ଗୁରୁତରଙ୍କୁ ସଙ୍ଗେସଙ୍ଗେ ବିଶାଖାପାଟଣାକୁ ସ୍ଥାନାନ୍ତର କରାଯାଇଛି । ଆହତ ଶ୍ରମିକଙ୍କ ନାମ ରଙ୍କନିଧି ବେହେରା, ତ୍ରିଲୋଚନ ନିଆଲ ଏବଂ ଗଜେନ୍ଦ୍ର ଗୌଡ଼ ବୋଲି ଜଣାପଡିଛି ।
ଗୁରବାର ନାଲକୋ ପ୍ଲାଣ୍ଟରେ ଏକ ଢଳେଈ କାମ କରିବାକୁ ଯାଇଥିବା ବେଳେ ହଠାତ ଏକ ଟାଙ୍କିରେ ବିସ୍ଫୋରଣ ହୋଇଥିଲା। ଏଥିରେ ରଙ୍କନିଧିଙ୍କ ଡାହାଣ ଗୋଡ଼ ଛିଣ୍ଡିଯାଇଥିବା ବେଳେ ଦେହ ଉପରେ ଏସିଡ଼ ପଡିଯାଇଥିବା ଜଣାପଡିଛି। ସେହିପରି ଅନ୍ୟ ଦୁଇ ଜଣ ଗୁରୁତର ଆହତ ହେବା ସହ ସେମାନଙ୍କ ମୁଣ୍ଡ ଓ କାନରୁ ରକ୍ତ ବାହାରି ଥିଲା । ଆହତମାନଙ୍କୁ ନାଲକୋ ମେଡିକାଲରେ ପ୍ରାଥମିକ ଚିକିତ୍ସା କରାଇ ବିଶାଖାପାଟଣାକୁ ସ୍ଥାନାନ୍ତର କରାଯାଇଛି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
