କୋରାପୁଟ: ଆଣ୍ଟିଜେନ ଟେଷ୍ଟ କରିବା ପାଇଁ ସ୍ୱାସ୍ଥ୍ୟକର୍ମୀ, ଶିକ୍ଷୟତ୍ରୀ ଓ ଆଶାକର୍ମୀଙ୍କୁ ନେଇ ଗଠିତ ହୋଇଥିବା ଦଳ କୋରାପୁଟ ଜିଲ୍ଲାରେ ଘର ଘର ବୁଲି ଲୋକଙ୍କ ସ୍ୱାସ୍ଥ୍ୟ ଅବସ୍ଥା ପଚାରି ବୁଝୁଛନ୍ତି । ଶନିବାର ଜୟପୁରରେ ଏହି ସର୍ଭେ କାର୍ଯ୍ୟ ଆରମ୍ଭ ହେବାକୁ ଥିବାବେଳେ ଜିଲ୍ଲା ପ୍ରଶାସନ ଦ୍ୱାରା ଜୟପୁର ସହରକୁ ଆସନ୍ତା ଚାରିଦିନ ପାଇଁ ସମ୍ପୂର୍ଣ୍ଣ ସଟଡାଉନ କରାଯିବ ବୋଲି ଜିଲ୍ଲାପାଳ ମଧୁସୂଦନ ମିଶ୍ର ସୂଚନା ଦେଇଛନ୍ତି ।
ଶନିବାର କୋରାପୁଟ ଜିଲ୍ଲାରେ 33 ଜଣ ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଜୟପୁର ସହରରେ ହିଁ 10 ଜଣ ଆକ୍ରାନ୍ତ ରହିଛନ୍ତି । ଜିଲ୍ଲାର ସମସ୍ତ ସହରାଞ୍ଚଳକୁ ଆସନ୍ତା ଦୁଇଦିନ ସଟଡାଉନ ଘୋଷଣା କରାଯାଇଥିବା ବେଳେ ଜୟପୁରରେ ସର୍ଭେ ସମ୍ପାଦନ କରିବା ପାଇଁ ଆଉ ଦୁଇଦିନ ସଟଡାଉନର ଅବଧିକୁ ବୃଦ୍ଧି କରାଯାଇଛି ବୋଲି ଜିଲ୍ଲାପାଳ କହିଛନ୍ତି ।
କୋରାପୁଟ ସହରରେ ଉପଜିଲ୍ଲାପାଳଙ୍କ ନେତୃତ୍ୱରେ ରାସ୍ତାକଡର ଗହଳିକୁ ନିୟନ୍ତ୍ରଣ କରିବା ସହ ମାସ୍କ ପିନ୍ଧିନଥିବା ବ୍ୟକ୍ତିଙ୍କ ଉପରେ ଜୋରିମାନା ଲଗାଯାଇଛି ।
କୋରୋପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ
