କୋରାପୁଟ: ଜିଲ୍ଲା ଲମତାପୁଟ ପୋଲିସକୁ ମିଳିଛି ପୁଣି ଏକ ବଡ ସଫଳତା । ଚୋରାରେ ଗଞ୍ଜେଇ ଚାଲାଣକୁ ପଣ୍ଡ କରିଛି ପୋଲିସ । ଅନକାଡେଲି ଅଞ୍ଚଳରୁ ଉତ୍ତର ପ୍ରଦେଶ ଅଞ୍ଚଳକୁ ଚାଲାଣ ହେଉଥିବା 102କେଜି ଗଞ୍ଜେଇକୁ ଜବତ କରିବା ସହିତ 4ଜଣଙ୍କୁ କାବୁ କରିଛି ପୋଲିସ ।
ସୂଚନାଅନୁସାରେ,ଲମତାପୁଟ ପୋଲିସ କାଙ୍ଗ୍ରାପଡା ଛକ ନିକଟରେ ପାଟ୍ରୋଲିଂ କରୁଥିଲା । ଏହି ସମୟରେ ଅନକାଡେଲି ଅଞ୍ଚଳରୁ ଉତ୍ତର ପ୍ରଦେଶ ଅଞ୍ଚଳକୁ ଯାଉଥିବା ଏକ ଗାଡିକୁ ଅଟକାଇଥିଲା ପୋଲିସ । ପୋଲିସ ଗାଡିର ତଲାସି ନେବା ପରେ ସେଥିରୁ 102କେଜି 400 ଗ୍ରାମ ଗଞ୍ଜେଇ ଜବତ କରିଛି । ଏହା ସହିତ ଉତ୍ତର ପ୍ରଦେଶ ଅଞ୍ଚଳର ୪ ଜଣକୁ ଗିରଫ କରିଛି । ଜବତ ଗଞ୍ଜେଇର ହାରାହାରି ମୂଲ୍ୟ ୩ ଲକ୍ଷ ୫୦ ହଜାର ଟଙ୍କା ହେବ ବୋଲି ପୋଲିସ ପ୍ରକାଶ କରିଛି ।
ଗିରଫ ଚାରିଜଣ ହେଲେ ଉତ୍ତର ପ୍ରଦେଶ ଅଞ୍ଚଳର ଅଜୟ ପ୍ରତାପ ପରି, ହରିଶଙ୍କର ସିଂ, ଗୁଳସଦ ଓ ରାହୁଲ ବର୍ମା । ୪ ଜଣକୁ କୋର୍ଟ ଚାଲାଣ କରାଯିବା ସହିତ ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
