ଖୋର୍ଦ୍ଧା: ଟ୍ରେନରେ କଟି ଜଣେ ଯୁବକ ମୃତ। ଘଟଣାଟି ଖୋର୍ଦ୍ଧା ରେଳ ଡିଭିଜନ ନିରାକାରପୁର ଷ୍ଟେସନରେ ଦେଖିବାକୁ ମିଳିଛି। ମୃତ ଯୁବକଙ୍କ ପରିଚୟ ଜଣାପଡିନଥିବା ବେଳେ ମୃତକ ଜଣଙ୍କ ଏକ ଜିନ୍ସ ପ୍ୟାଣ୍ଟ ଓ ଏକ ଚେକ ଫୁଲ ସାର୍ଟ ପିନ୍ଧିଥିବା ଜଣାପଡିଛି ।
ଯୁବକ ଜଣଙ୍କ ଏକ ମୋଟର ସାଇକେଲରେ ଆସି ମୋଟର ସାଇକେଲକୁ ରାସ୍ତାରେ ରଖି ଟ୍ରେନ ଆଗକୁ ଡେଇଁଥିବା ପ୍ରତ୍ୟକ୍ଷଦର୍ଶୀଙ୍କ ଠାରୁ ସୂଚନା ମିଳିଛି । ଯୁବକ ଜଣଙ୍କ କୌଣସି କାରଣରୁ ଆତ୍ମହତ୍ୟା କରିଥିବା ଅନୁମାନ କରାଯାଉଛି । ଘଟଣା ସମ୍ପର୍କରେ ସୂଚନା ପାଇ ପୋଲିସ ମୃତ ଯୁବକଙ୍କ ମୃତଦେହକୁ ଜବତ କରି ବ୍ୟବଛେଦ ପାଇଁ ପଠାଇଛନ୍ତି।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
