ଖୋର୍ଦ୍ଧା: ଟାଙ୍ଗି ଥାନା ଅଧିନସ୍ଥ ଜରିପଡା ଦାଣ୍ଡ ସାହିର ଜଣେ ଯୁବକ ପୋଖରୀରେ ବୁଡିଯିବାରୁ ତାଙ୍କର ମୃତ୍ୟୁ ହୋଇଛି । ମୃତକ ଜଣକ ହେଲେ ଉକ୍ତ ଗ୍ରାମର କ୍ଷୀରୋଧ ସାହୁଙ୍କ ପୁଅ ଚନ୍ଦ୍ରକାନ୍ତ ସାହୁ(୧୮) ।
ସୂଚନା ଅନୁସାରେ ଚନ୍ଦ୍ରକାନ୍ତ ରବିବାର ପୋଖରୀରେ ଗାଧୋଉଥିବା ବେଳେ ଅସାବଧାନତା ହେତୁ ପୋଖରୀରେ ବୁଡି ଯାଇଥିଲେ । ଘଟଣାସ୍ଥଳରେ ଟାଙ୍ଗୀ ଦମକଳ ବିଭାଗ ସହାୟତାରେ ୪୫ ମିନିଟ ପରେ ତାଙ୍କୁ ଉଦ୍ଧାର କରାଯାଇଥିଲା । ପରେ ଚିକିତ୍ସା ପାଇଁ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ତେବେ ସେଠାରେ ଡାକ୍ତର ଚନ୍ଦ୍ରକାନ୍ତଙ୍କୁ ମୃତ ଘୋଷଣା କରିଥିବା ଜଣାପଡିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
