ଖୋର୍ଦ୍ଧା: ଜିଲ୍ଲାକୁ ନିଶା ମୁକ୍ତ କରିବା ପାଇଁ ଆଗକୁ ଆସିଛନ୍ତି ମହିଳା । ଜିଲ୍ଲାରୁ ସମ୍ପୂର୍ଣ୍ଣ ନିଶାମୁକ୍ତ କରିବା ଦାବିରେ ସ୍ବପ୍ନେଶ୍ବର ବସ୍ତିର ଶତାଧିକ ମହିଳା ଖୋର୍ଦ୍ଧାର ଅତିରିକ୍ତ ଜିଲ୍ଲାପାଳଙ୍କୁ ଭେଟି ଦାବିପତ୍ର ପ୍ରଦାନ କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ପ୍ରଥମେ ଶହ ଶହ ମହିଳା ବିରାଟ ଶୋଭାଯାତ୍ରାରେ ଆସି ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ନାରାବାଜି କରିଥିଲେ । ଏହାପରେ ଅତିରିକ୍ତ ଜିଲ୍ଲାପାଳଙ୍କୁ ଭେଟି ଦାବି ପତ୍ର ପ୍ରଦାନ କରିଥିଲେ । ଦିନକୁ ଦିନ ନିଶା ବେପାରୀଙ୍କ ଗଡ ପାଲଟିଛି ଖୋର୍ଦ୍ଧା । ଏକାଧିକ ନିଶା ବେପାରୀ ସକ୍ରିୟ ହୋଇଉଠିଥିବା ହୋଇଥିବା ବେଳେ ନିକଟରେ ଛୋଟାର ଗୁମର ପଦାକୁ ଆସିବା ପରେ ଲୋକଙ୍କ ପାଇଁ ମୁଣ୍ଡ ବିନ୍ଧାର କାରଣ ପାଲଟିଛି । ଏନେଇ ତୁରନ୍ତ ଏ ଦିଗରେ ପଦକ୍ଷେପ ନେବାକୁ ସେମାନେ ଦାବି କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ପଣ୍ଡା, ଇଟିଭି ଭାରତ
