ଖୋର୍ଦ୍ଧା: କାରକୁ ଲିଫ୍ଟ ମାଗି ନିଖୋଜ ହୋଇଯାଇଥିବା ମହିଳାଙ୍କୁ ଉଦ୍ଧାର କରିଛି ପୋଲିସ । ବେଗୁନିଆ ପୋଲିସ ମହିଳାଙ୍କୁ କୋଲକାତାରୁ ଉଦ୍ଧାର କରିଛି । ଗତ 20 ତାରିଖରୁ ମହିଳା ଜଣକ ନିଖୋଜ ହୋଇଯାଇଥିବା ନେଇ ଅଭିଯୋଗ ହୋଇଥିଲା ।
ତେବେ ନିଖୋଜ ମହିଳାଙ୍କୁ ବେଗୁନିଆ ପୋଲିସ କୋଲକାତାରୁ ଉଦ୍ଧାର କରିଥିବାବେଳେ ନିଖୋଜ ପଛରେ ପ୍ରେମ ସମ୍ପର୍କ ରହିଥିବା ପୋଲିସର ପ୍ରାଥମିକ ତଦନ୍ତରୁ ଜାଣିପାରିଛି । ସୂଚନା ଅନୁଯାୟୀ ବାଘମାରି ଅଞ୍ଚଳର ପ୍ରକାଶ ସେଠୀଙ୍କ ପତ୍ନୀ ଶୁଭଲକ୍ଷ୍ମୀ ସେଠୀ ଗତ 20 ତାରିଖରେ କାରକୁ ଲିଫ୍ଟ ମାଗି ନିଖୋଜ ହୋଇଯାଇଥିଲେ । ଏନେଇ ପ୍ରକାଶ ବେଗୁନିଆ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗକୁ ଭିତ୍ତି କରି ବେଗୁନିଆ ପୋଲିସ ତଦନ୍ତ ଆରମ୍ଭ କରିଥିଲା ।
ଶେଷରେ ପୋଲିସ ଶୁଭଲକ୍ଷ୍ମୀଙ୍କ ମାଆଙ୍କ ମୋବାଇଲ ଏବଂ ଏକ ଡାଏରୀରୁ ମିଳିଥିବା ତଥ୍ୟକୁ ଆଧାର କରି ତାଙ୍କୁ କୋଲକାତାରୁ ଉଦ୍ଧାର କରିଛି ବେଗୁନିଆ ଥାନା ପୋଲିସ । ଏନେଇ ବେଗୁନିଆ ଥାନା ଅଧିକାରୀ ସୂଚନା ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
