ଭୁବନେଶ୍ବର: ରାଜଧାନୀରେ ଲୁଚିଥିଲେ ପଶ୍ଚିମବଙ୍ଗ ନାବାଳିକା ଦୁଷ୍କର୍ମକାରୀ । କମିଶନରେଟ ପୋଲିସ ସହାୟତାରେ ୨ ଦୁଷ୍କର୍ମକାରୀଙ୍କୁ ଉଠାଇନେଲା ପଶ୍ଚିମବଙ୍ଗ ପୋଲିସ । ନୟାପଲ୍ଲୀରୁ ଦୁଇ ଅଭିଯୁକ୍ତଙ୍କୁ ଗିରଫ କରିଛି ଖଡ଼ଗପୁର ପୋଲିସ । ଅଭିଯୁକ୍ତମାନେ ପଶ୍ଚିମ ମେଦିନୀପୁରର ଗୋଲବଜାର ଅଞ୍ଚଳର ବିପିନ୍ନ ନିମଖାଇ ଓ ଶଙ୍କର ନିମଖାଇ ବୋଲି ଜଣାପଡ଼ିଛି ।
ଗତ ଜୁଲାଇ ମାସରୁ ଏକ ନାବାଳିକାକୁ ଦୁଷ୍କର୍ମ ମାମଲାରେ ଜଡିତ ଥିବା ୨ ଅଭିଯୁକ୍ତ ପଶ୍ଚିମବଙ୍ଗ ପୋଲିସକୁ ଚକମା ଦେଇ ଫେରାର ଥିଲେ । ତେବେ ସେମାନେ ନୟାପଲ୍ଲୀ ଥାନା ଅଞ୍ଚଳରେ ଲୁଚିଥିବାର ଖବର ପାଇଥିଲା ପୋଲିସ । ଏହାପରେ ଖଡଗପୁରର ପୋଲିସ ଆସି ନୟାପଲ୍ଲୀ ପୋଲିସ ସହାୟତାରେ ଚଢ଼ାଉ କରି ୨ ଜଣଙ୍କୁ ଉଠାଇ ନେଇଛି । ୨ ଜଣଙ୍କୁ କ୍ୟାପିଟାଲ ହସ୍ପିଟାଲରେ ପ୍ରଥମେ ମେଡିକାଲ ଯାଞ୍ଚ କରି ଭୁବନେଶ୍ବର କୋର୍ଟରେ ହାଜର କରାଯାଇଥିଲା । ଏହାପରେ ପ୍ରାବନ୍ଧିକ ରିମାଣ୍ଡରେ ଖଡ଼ଗପୁର ପୋଲିସ ଅଭିଯୁକ୍ତଙ୍କୁ ନେଇଛି । ତେବେ ସେମାନଙ୍କ ନାମରେ ଖଡଗପୁରଥନାର କେସ ନମ୍ବର 431 dt 20 -7 -2022 u/s-363/365 IPC and 06 of POSCO Act ଥିବା ପୋଲିସ ସୂତ୍ରରୁ ସୂଚନା ମିଳିଛି ।
ଇଟିଭି ଭାରତ, ଭୁବନେଶ୍ବର
