ଭୁବନେଶ୍ବର: ରାଜ୍ୟରେ ମୌସୁମୀ ପ୍ରବାହ ଦୁର୍ବଳ ରହିଛି l ମୌସୁମୀ ନିମ୍ନଚାପ ରେଖା ତାର ସାଧାରଣ ଅବସ୍ଥାନ ଠାରୁ ଯଥେଷ୍ଟ ଉତ୍ତରରେ ରହିବା ସହ ଆଜି ହିମାଳୟର ପାଦଦେଶରେ ଅବସ୍ଥାନ କରୁଛି l ଦୁର୍ବଳ ମୋୖସୁମୀ ପ୍ରବାହକୁ ନେଇ ରାଜ୍ୟରେ ବଡ଼ ବର୍ଷା ହେବାର ସମ୍ଭାବନା ନଥିବା ବେଳେ ଆଗାମୀ ୩ ଦିନ ଯାଏଁ ପାଗ ଶୁଖିଲା ରହିବ । ଆକାଶ ମଧ୍ୟ ମେଘମୁକ୍ତ ରହିବ । ଗୋଟିଏ କିମ୍ବା ଦୁଇଟି ସ୍ଥାନରେ ବିଜୁଳି, ଘଡଘଡି ଜନିତ ବର୍ଷା ହେବାର ସମ୍ଭାବନା ରହିଥିବା ଆକଳନ କରିଛି ପାଣିପାଗ ବିଭାଗ l
ଏହା ମଧ୍ୟ ପଢ଼ନ୍ତୁ: ରାଜ୍ୟରେ ମୌସୁମୀ ଦୁର୍ବଳ, ସେପ୍ଟେମ୍ବର ପହିଲାରୁ ପୁଣି ବର୍ଷା ସମ୍ଭାବନା
ଏହା ମଧ୍ୟ ପଢ଼ନ୍ତୁ: ହିମାଚଳରେ ପ୍ରକୃତିର କୋପ: ଭୂସ୍ଖଳନରେ ମାଟିରେ ମିଶିଲା ୮ଟି ଘର
ଆଗାମୀ ୨୪ ଘଣ୍ଟାରେ ସେଭଳି କୌଣସି ବଡ ବର୍ଷା ନଥିବା ବେଳେ ୨ଦିନ ଯାଏ ପାଣିପାଗ ବିଭାଗ ପକ୍ଷରୁ କୌଣସି ସତର୍କ ସୂଚନା ଦିଆଯାଇନାହିଁ । ଦୁର୍ବଳ ସ୍ଥିତି ଯୋଗୁଁ ଅଗଷ୍ଟ ଶେଷ ରାଜ୍ୟରେ କାଁ-ଭାଁ ବର୍ଷା ହେବାର ସମ୍ଭାବନା ରହିଛି । ପୁଣିଥରେ ମୌସୁମୀର ସକ୍ରିୟତାକୁ ନେଇ ଅଗଷ୍ଟ ୧ ରୁ ରାଜ୍ୟରେ ବର୍ଷାର ବିସ୍ତୃତି ବଢିବ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ l ସେପଟେ ଉତ୍ତର ପଶ୍ଚିମ ବଙ୍ଗୋପସାଗରେ ସେପ୍ଟେମ୍ବର ୨ରେ ଏକ ଘୂର୍ଣ୍ଣିବଳୟ ସୃଷ୍ଟି ହେବାର ଆଶଙ୍କା ରହିଛି । ୩ ତାରିଖରେ ଏହା ଲଘୁଚାପର ରୂପ ନେବ । ଏହାର ପ୍ରଭାବରେ ୨ ତାରିଖରୁ ରାଜ୍ୟର ବିଭିନ୍ନ ସ୍ଥାନରେ ବର୍ଷାର ପରିମାଣ ବୃଦ୍ଧି ପାଇବ । ଉପକୂଳରୁ ଆଭ୍ୟନନ୍ତରୀଣ ଯାଏ ପ୍ରବଳ ବର୍ଷା ହେବାର ସମ୍ଭାବନା ଥିବା ପାଣିପାଗ ବିଶେଷଜ୍ଞ ସୂଚନା ଦେଇଛନ୍ତି ।
ଏହା ମଧ୍ୟ ପଢ଼ନ୍ତୁ: ଛାଡିଲା ବର୍ଷା, ବଢ଼ିଲା ଖରା; ୧୨୬ ବର୍ଷର ରେକର୍ଡ ଛୁଇଁଲା ଅଗଷ୍ଟ ତାତି
ଏହା ମଧ୍ୟ ପଢ଼ନ୍ତୁ: ଦୁର୍ବଳ ହେଲା ମୌସୁମୀ, ୫ଦିନ ପର୍ଯ୍ୟନ୍ତ ରାଜ୍ୟରେ କମ ରହିବ ବର୍ଷାର ପ୍ରଭାବ
ଗତ ୨୪ ଘଣ୍ଟାରେ ରାଜ୍ୟରେ ହାରାହାରି ବର୍ଷା ୦.୪ ମିମି ରେକର୍ଡ କରାଯାଇଛି ଯାହା ସ୍ୱାଭାବିକ ବର୍ଷା ୧୨.୧ ମିମି ତୁଳନାରେ ୯୬% କମ l ୧ ଜୁନ ଠାରୁ ୨୯ ଅଗଷ୍ଟ ପର୍ଯ୍ୟନ୍ତ ୭୮୨.୪ ବର୍ଷା ରେକର୍ଡ କରାଯାଇଛି । ଏହାର ସ୍ବାଭାବିକ ପରିମାଣ ରହିଛି ୮୯୬.୩ l ୧୧ ଜିଲ୍ଲାରେ ନିଅଣ୍ଟିଆ ବର୍ଷା ରେକର୍ଡ କରାଯାଇଥିବା ବେଳେ ୧୮ ଜିଲ୍ଲାରେ ସ୍ବାଭାବିକ ଓ ୧ ଜିଲ୍ଲାରେ ଅତ୍ୟଧିକ ବର୍ଷା ହୋଇଛି l
ଇଟିଭି ଭାରତ, ଭୁବନେଶ୍ବର
