ଖୋର୍ଦ୍ଧା: ରାଜ୍ୟରେ ଲାଗି ରହିଥିବା ଲଘୁଚାପଜନିତ ବର୍ଷାରେ ବିଭିନ୍ନ ସ୍ଥାନରେ ଜଳବନ୍ଦୀ ସମସ୍ୟା ଲାଗି ରହିଛି । ଖୋର୍ଦ୍ଧାର ପ୍ରମୁଖ ପର୍ଯ୍ୟଟନସ୍ଥଳୀ ଅଟ୍ରି ଉଷ୍ମ ପ୍ରସବଣ ଭିତରେ ଆଣ୍ଠୁଏ ଉଚ୍ଚର ପାଣି ଜମି ରହିଛି । ପ୍ରତିଦିନ ଏଠାକୁ ରାଜ୍ୟ ତଥା ରାଜ୍ୟ ବାହାରୁ ଶହଶହ ସଂଖ୍ୟାରେ ପର୍ଯ୍ୟଟକ ଆସୁଥିଲେ ମଧ୍ୟ ଜଳ ନିଷ୍କାସନର କୌଣସି ବ୍ୟବସ୍ଥା ପ୍ରଶାସନ କରିନାହିଁ । ଫଳରେ ବହୁ ପର୍ଯ୍ୟଟକ ବୁଲି ନ ପାରି ନିରାଶ ହୋଇ ଫେରିଯିବାକୁ ବାଧ୍ୟ ହେଉଥିବା ଦେଖିବାକୁ ମିଳିଛି ।
ଜଳମୟ ପର୍ଯ୍ୟଟନ ସ୍ଥଳୀ, ଫେରିଲେ ପର୍ଯ୍ୟଟକ
ଲଗାଣ ବର୍ଷା କାରଣରୁ ଅଟ୍ରିରେ ପର୍ଯ୍ୟଟକଙ୍କ ପାଇଁ ଥିବା ଗାଧୁଆ କୁଣ୍ଡ ସମ୍ପୂର୍ଣ୍ଣ ବୁଡି ଯାଇଛି । ବର୍ଷା ପାଣି କିପରି ପର୍ଯ୍ୟଟନସ୍ଥଳୀ ଭିତରକୁ ପ୍ରବେଶ ନ କରିବ ସେଥିପାଇଁ ପ୍ରଶାସନ ପକ୍ଷରୁ କୌଣସି ସ୍ଥାୟୀ ପ୍ରତିକାର କରା ନ ଯିବା କାରଣରୁ ପ୍ରତିବର୍ଷ ବର୍ଷା ଋତୁରେ ଏଠାରେ ଏମିତି ପାଣି ପଶୁଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
