ଭୁବନେଶ୍ବର: ସ୍ଥାୟୀ ନିଯୁକ୍ତି ଦାବି ନେଇ ଧନ୍ଦାମୂଳକ ପ୍ରଶିକ୍ଷକ ସଂଘର ବିକ୍ଷୋଭ । ସମାନ କାମକୁ ସମାନ ଦରମା ସହ ଚାକିରି ସୁରକ୍ଷା ଦାବିରେ ରାଜରାସ୍ତାକୁ ଓହ୍ଲାଇଛନ୍ତି ଶିକ୍ଷକ ସଂଘ । ରାଜ୍ୟରେ ୨୦୧୬ରୁ ଭୋକେସନାଲ ଶିକ୍ଷା ଆରମ୍ଭ ହୋଇ 7 ବର୍ଷ ଅତିକ୍ରାନ୍ତ ହୋଇଛି । ଏହାରି ଭିତରେ ସ୍ଥାୟୀ ନିଯୁକ୍ତି ସର୍ତ୍ତାବଳି ପ୍ରଣୟନ ଓ ପୂର୍ଣ୍ଣ ଶିକ୍ଷକତା ମାନ୍ୟତା ଦାବି କରିଆସୁଛନ୍ତି ଶିକ୍ଷକମାନେ । ଏହାକୁ ନେଇ ସରକାରଙ୍କୁ ଅନେକ ଥର ଗୁହାରୀ କରିଥିଲେ ମଧ୍ୟ କେହି କର୍ଣ୍ଣପାତ କରୁନଥିବା ଆଭିଯୋଗ ହୋଇଛି । କାର୍ଯ୍ୟରତ ୨୧୨୨ ଭୋକେସନାଲ ପ୍ରଶିକ୍ଷକ ଏବେ ମଧ୍ୟ ବିଭିନ୍ନ ସମସ୍ୟା ଭିତରେ ରହିଥିବା ବେଳେ ନାର୍ଯ୍ୟ ଦାବିକୁ ନେଇ ଏବେ ରାଜରାସ୍ତାକୁ ଆସିଛନ୍ତି ।
ସେମାନଙ୍କର ଦାବି ହେଉଛି ଯେ, ସ୍ଥାୟୀ ନିଯୁକ୍ତି ସର୍ତ୍ତାବଳି ପ୍ରଣୟନ ଓ ପୂର୍ଣ୍ଣ ଶିକ୍ଷକତା ମାନ୍ୟତା । ସମାନ କାମକୁ ସମାନ ଦରମା । ଏନେଇ ସଂଘ ବିଭିନ୍ନ ସମୟରେ ବିଭିନ୍ନ ପ୍ରଶାସନିକ ଅଧିକାରୀଙ୍କ ଆଗରେ ଉପସ୍ଥାପନା ଓ ଧାରଣା ବିକ୍ଷୋଭ କରିଥିଲେ ମଧ୍ୟ କୌଣସି ସୁଫଳ ମିଳିନାହିଁ । ଉପରୋକ୍ତ ଦାବିଗୁଡିକୁ ଏକ ନିର୍ଦ୍ଧିଷ୍ଟ ନିୟମ ପ୍ରଣୟନ କରି ଭୋକେସନାଲ ଟ୍ରେନରମାନଙ୍କ ସମସ୍ୟାର ସମାଧାନ କରିବା ପାଇଁ ସଂଘ ଦାବି କରିଛି ।
ଚାକିରି ସୁରକ୍ଷା ଓ ପୂର୍ଣ୍ଣ ଶିକ୍ଷକତା ଦାବି ନେଇ ଧନ୍ଦାମୂଳକ ଶିକ୍ଷକଙ୍କର ଶାନ୍ତିପୂର୍ଣ୍ଣ ଭାବରେ ଧାରଣା ଦେଇଛନ୍ତି । ରାଜ୍ୟରେ ପାଖାପାଖି ୨୧୨୨ ଜଣ ଧନ୍ଦାମୂଳକ ଶିକ୍ଷକ ରହିଛନ୍ତି । ପାଖାପାଖି ୧ ହଜାରରୁ ଊର୍ଦ୍ଧ୍ବ ଧନ୍ଦାମୂଳକ ପ୍ରଶିକ୍ଷକ 5T ସ୍କୁଲ୍ରେ ନିଯୁକ୍ତି ହୋଇଛନ୍ତି । ଯାହା ଏକ ଘରୋଇ କମ୍ପାନୀ ଦ୍ଵାରା ଏମାନେ ସମସ୍ତେ ପରିଚାଳିତ ହେଉଛନ୍ତି । ତେବେ ବିଭିନ୍ନ ସମୟରେ ଭିନ୍ନଭିନ୍ନ ସମସ୍ୟା ରହିଥିବାରୁ ସଂଘ ପକ୍ଷରୁ ଲୋୟର ପିଏମଜିରେ ଆଜିଠାରୁ ଶାନ୍ତିପୂର୍ଣ୍ଣ ଭାବରେ ଧାରଣାରେ ବସିଛନ୍ତି । ରାଜ୍ୟରେ ୨୦୧୬ରୁ ଧନ୍ଦାମୂଳକ ଶିକ୍ଷା ଆରମ୍ଭ ହୋଇଥିଲା । ବର୍ତ୍ତମାନ ୭ ବର୍ଷ ଅତିକ୍ରାନ୍ତ ହୋଇଛି ଏହି ଧନ୍ଦାମୂଳକ ଶିକ୍ଷାକୁ, ହେଲେ ସରକାର ନା ସ୍ଥାୟୀ ନିଯୁକ୍ତି ଦେଉଛି ନା ସମାନ ଦରମା ବୋଲି ଅଭିଯୋଗ କରିଛି ଶିକ୍ଷକ ସଂଘ ।
ତେବେ ଖାଲି ଧନ୍ଦାମୂଳକ ଶିକ୍ଷକ ନିହେଁ ସମାନ କମାକୁ ସମାନ ଦାବି, ସ୍ଥାୟୀ ନିଯୁକ୍ତି ଦାବିରେ ହାଇସ୍କୁଲ ଶିକ୍ଷକ ସଂଘ, ଅମଲା ସଂଘ ପକ୍ଷରୁ ମଧ୍ୟ ବାରବାର ଦାବି ସହ ଆନ୍ଦୋଳନ କରାଯାଉଛି । ତେବେ ସରକାର ଶିକ୍ଷକଙ୍କ ଦାବି ପୂରଣ କରୁଛନ୍ତି ଦେଖିବାକୁ ବାକି।
ଇଟିଭି ଭାରତ, ଭୁବନେଶ୍ବର
