ଖୋର୍ଦ୍ଧା: ଡକାୟତଙ୍କ ଯୋଜନାକୁ ଭଣ୍ଡର କଲା ପୋଲିସ । ସୋମବାର ବିଳମ୍ବିତ ରାତିରେ ବେଗୁନିଆ ଥାନା ଅନ୍ତର୍ଗତ ଗେଡ଼ିଆପଲି ଗୋବିନ୍ଦପୁର ରାସ୍ତା ମଝିରେ ଥିବା ଏକ ଜଙ୍ଗଲ ନିକଟରେ ଡକାୟତି ପାଇଁ ଯୋଜନା କରୁଥିବା ଦୁଇ ଡକାୟତଙ୍କୁ ବେଗୁନିଆ ପୋଲିସ ଗିରଫ କରିଛି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ସେମାନଙ୍କ ଠାରୁ କଟୁରୀ, ଭୁଜାଲି ସମେତ ବିଭିନ୍ନ ମାରଣାସ୍ତ୍ର, ମୋବାଇଲ ଫୋନ ଏବଂ ଏକ ଚୋରା ବାଇକକୁ ଜବତ କରାଯାଇଛି । ଦୁଇ ଡକାୟତ ଦ୍ବୟ ଭଦ୍ରକ ଟାଉନ ଥାନା ଅଞ୍ଚଳର କୁଆଁସ ଗ୍ରାମର ରୂପେଶ କୁମାର ପ୍ରଧାନ ଏବଂ କଟକ ଗୋବିନ୍ଦପୁର ଥାନା ଅନ୍ତର୍ଗତ ଉଆଁବରେଇ ଗ୍ରାମର ଜଗନ୍ନାଥ ପାତ୍ର । ଏନେଇ ଆଜି ଖୋର୍ଦ୍ଧା ଆଦର୍ଶ ଥାନା ପରିସରରେ ସାମ୍ବାଦିକ ସମ୍ମିଳନୀ କରି ଖୋର୍ଦ୍ଧା ଏସଡିପିଓ ସୁଶୀଲ କୁମାର ମିଶ୍ର ସୂଚନା ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
