ଖୋର୍ଦ୍ଧା: ସାରାଦେଶ ଏବେ କୋରାନା ମହାମାରୀ ସହ ଲଢେଇ କରୁଥିବାବେଳେ ଜାରି ରହିଛି ଲକଡାଉନ । ଆଉ ଏଭଳି ପରିସ୍ଥିତିର ସୁଯୋଗ ନେଇ ସକ୍ରିୟ ହୋଇ ଉଠିଛନ୍ତି କିଛି ପକ୍ଷୀ ଶିକାରୀ । ଯାହାର ନଗ୍ନ ଚିତ୍ର ଦେଖବାକୁ ମିଳିଛି ଚିଲିକାରେ । ଖୋର୍ଦ୍ଧା ଚିଲିକାରେ 19 ମୃତ ବିଦେଶୀ ପକ୍ଷୀ ସହ 2 ଜଣଙ୍କୁ ଗିରଫ କରିଛି ପୋଲିସ ।
ଟାଙ୍ଗୀ ରେଞ୍ଜର ସୋରଣ ଚିଲିକା କୂଳରେ ବନ୍ଧୁକ ଗର୍ଜନ ଶୁଣିବା ପରେ ଟାଙ୍ଗୀ ବନ୍ୟପ୍ରାଣୀ ବିଭାଗର କର୍ମଚାରୀ ଅତର୍କିତ ଚଢ଼ାଉ କରିଥିଲେ । ଆଉ ଶିକାରୀମାନେ ନିଷ୍ପାପ ବିଦେଶୀ ପକ୍ଷୀଙ୍କୁ ଶିକାର କରି ଫେରୁଥିବା ସମୟରେ ପୋଲିସ ହାବୁଡରେ ଧରାପଡିଛନ୍ତି।
ସେମାନଙ୍କ ନିକଟରୁ ବନ୍ଧୁକ , ଜୀବନ୍ତ ଗୁଳି , ଛୁରୀ , ଗନ୍ ପାଉଡର୍ , ବାଇକ୍ ଓ ମୋବାଇଲ ଜବତ କରିଛି ଟାଙ୍ଗୀ ବନ୍ୟ ପ୍ରାଣୀ ବିଭାଗ। ଏବେ ଶିକାରୀ ଦ୍ବୟଙ୍କୁ କୋର୍ଟ ଚାଲାଣ କରାଯାଇଥିବା ଟାଙ୍ଗୀ ରେଞ୍ଜର ଚୂଡାମଣୀ ମୁର୍ମୁ କହିଛନ୍ତି।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
