ଖୋର୍ଦ୍ଧା: ଆରମ୍ଭ ହୋଇଛି ପର୍ଯ୍ୟଟନ ଋତୁ। ଏଥିପାଇଁ ରାଜ୍ୟର ବିଭିନ୍ନ ପର୍ଯ୍ୟଟନସ୍ଥଳୀ ଗୁଡିକରେ ପର୍ଯ୍ୟଟକଙ୍କ ଗହଳି ଲାଗିବା ସହ ଭୋଜି ଭାତରେ ମଜୁଛନ୍ତି ପର୍ଯ୍ୟଟକ । ଦୀର୍ଘଦିନ ପରେ ଖୋର୍ଦ୍ଧା ଜିଲ୍ଲାର ବିଭିନ୍ନ ପର୍ଯ୍ୟଟନସ୍ଥଳୀ ଖୋଲିଥିବାବେଳେ ଏହି ସ୍ଥଳୀ ଗୁଡିକରେ ପର୍ଯ୍ୟଟକଙ୍କର ଭିଡ଼ ଲାଗୁଛି ।
ଏବେ ବି କୋରାନା ସଙ୍କଟ ହଟି ନଥିବା କାରଣରୁ ପର୍ଯ୍ୟଟନସ୍ଥଳୀ ଗୁଡିକରେ କୋଭିଡ ନିୟମ କଡାକଡି ପାଳନ କରିବାକୁ ଜିଲ୍ଲା ପ୍ରଶାସନ ପକ୍ଷରୁ ନିର୍ଦ୍ଦେଶ ରହିଛି । କିନ୍ତୁ ଖୋର୍ଦ୍ଧା ଜିଲ୍ଲା ବୋଲଗଡ଼ ବ୍ଲକର ପ୍ରସିଦ୍ଧ ପର୍ଯ୍ୟଟନ ସ୍ଥଳୀରେ ଆଜି କୋଭିଡ ନିୟମକୁ ପର୍ଯ୍ୟଟକମାନେ ଫୁ କରି ଉଡାଇ ଦେଇଥିବା ଦେଖାଦେଇଛି ।
ନା ଲୋକଙ୍କ ମୁଁହରେ ଥିଲା ମାସ୍କ ନା ସାମାଜିକ ଦୂରତା। ଅନ୍ୟପଟେ ସ୍ଥାନୀୟ ପୋଲିସ ପ୍ରଶାସନ କିମ୍ବା ପର୍ଯ୍ୟଟନ ବିଭାଗ ପକ୍ଷରୁ କୌଣସି କର୍ମଚାରୀ ନଥିବା କାରଣରୁ ବହୁ ସଂଖ୍ୟାରେ ଲୋକମାନେ ମାଇକ ବଜାଇ କୋଭିଡ ନିୟମ ଉଲ୍ଲଂଘନ କରିଥିବା ଦେଖାଦେଇଛି । ଏହି ଘଟଣା ଦେଖିଲେ ଲାଗୁଥିଲା ଯେମିତି, ପିକନିକ ପାଇଁ ଲୋକମାନେ ଏଠାକୁ ଆସିନାହାନ୍ତି ବରଂ କୋରାନା ଆଦାନ ପ୍ରଦାନ କରିବାକୁ ଆସିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
