ଖୋର୍ଦ୍ଧା: ସାରୁଅ ଠାରେ ଥିବା ଘରୋଇ ଗଣମାଧ୍ୟମ ସଂସ୍ଥାର ଷ୍ଟୁଡିଓରେ କାମ କରୁଥିବା ଠିକା ଶ୍ରମିକଙ୍କ ଧାରଣା ନବମ ଦିନରେ ପହଞ୍ଚିଛି। ଦିନର ତାତି ଓ ରାତିର ଶୀତକୁ ଖାତିର ନକରି ତମ୍ବୁ ତଳେ ଅଖିଆ ଅପିଆ ଧାରଣାରେ ବସିଛନ୍ତି ଶ୍ରମିକମାନେ।
ସରକାରଙ୍କ ନୀତି ନିୟମ ଅନୁସାରେ ପ୍ରାପ୍ୟ ଦାବି କରି ଆଜିକୁ 9 ଦିନ ଧରି ଷ୍ଟୁଡିଓ ଗେଟ୍ ସମ୍ମୁଖରେ ଧାରଣାରେ ବସିଛନ୍ତି ଶ୍ରମିକ । ଏପର୍ଯ୍ୟନ୍ତ ସଂସ୍ଥାର କୌଣସି ଅଧିକାରୀ ସେମାନଙ୍କ ସହ ଆଲୋଚନା ପାଇଁ ଆସିନଥିବା ବେଳେ ଦାବି ପୂରଣ ନେହେବା ପର୍ଯ୍ୟନ୍ତ ଧାରଣା ଜାରି ରହିବ ବୋଲି ଶ୍ରମିକମାନେ କହିଛନ୍ତି ।
ନବମ ଦିନରେ ଠିକା କର୍ମଚାରୀଙ୍କ ଧାରଣା
ସେପଟେ ଠିକା ଶ୍ରମିକଙ୍କୁ ଜାତିଆଣ ଆକ୍ଷେପ ସହ ଗାଳିଗୁଲଜ କରିବା ଅଭିଯୋଗରେ ବାଘମାରି ପୋଲିସ ସଂସ୍ଥାର ଦୁଇ ଜଣଙ୍କୁ ଗିରଫ କରିଥିଲେ । ସୋମବାର ସେମାନଙ୍କର ଖୋର୍ଦ୍ଧା କୋର୍ଟରେ ଜାମିନ ଆବେଦନର ଶୁଣାଣି କରି ରାୟ ସଂରକ୍ଷିତ ରଖିଛନ୍ତି ମାନ୍ୟବର କୋର୍ଟ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
