ଖୋର୍ଦ୍ଧା: ନଦୀକୁ ଗାଧୋଇବାକୁ ଯାଇଥିବାବେଳେ ନିଖୋଜ ହେଲେ ବୃଦ୍ଧ । ଏଭଳି ଘଟଣା ଦେଖିବାକୁ ମିଳିଛି ବାଣପୁର ବ୍ଲକ ଅଧିନ ମାଣିକପୁର ଗ୍ରାମରେ । ସୂଚନାନୁଯାୟୀ ମାଣିକପୁର ଗ୍ରାମର ଚରଣ ବେହେରା ଗାଧୋଇବା ନିମନ୍ତେ ମାଣିକପୁର ଗ୍ରାମର ଜାମୁଆ ତୁଠ ଶାଳିଆ ନଦୀ ମଧ୍ୟକୁ ଯାଇଥିବାବେଳେ ଜଳର ପ୍ରଖର ସ୍ରୋତରେ ଭାସିଯାଇଛନ୍ତି ।
ନଦୀକୁ ଗାଧୋଇବାକୁ ଯାଇ ବୃଦ୍ଧ ନିଖୋଜ
ଆଉ ଏହି ଘଟଣାରେ ଖବର ପାଇ ବାଣପୁର ଅଗ୍ନିଶମ ବାହିନୀ ନଦୀ ମଧ୍ୟରେ ସର୍ଚ୍ଚ ଅପରେସନ ଆରମ୍ଭ କରିଛି l ତେବେ ବୃଦ୍ଧଙ୍କ ଉଦ୍ଧାର ପାଇଁ ଅଗ୍ନିଶମ ଅଧିକାରୀ ବିବେକାନନ୍ଦ ଦାସଙ୍କ ନେତୃତ୍ୱରେ ଏକ ଟିମ ଉଦ୍ଧାର କାର୍ଯ୍ୟ ଜାରି ରଖିଥିବାବେଳେ ବୃଦ୍ଧ ଚରଣଙ୍କ ସନ୍ଧାନ ମିଳିପାରି ନଥିବା ନେଇ ସୂଚନା ମିଳିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
