ଖୋର୍ଦ୍ଧା: କ୍ଷୟ ହେଉଛି ଜଙ୍ଗଲ ଆଉ ଏହାର ପ୍ରଭାବ ପଡୁଛି ଜଙ୍ଗଲୀ ଜୀବଜନ୍ତୁଙ୍କ ଉପରେ । ଖାଦ୍ୟ ଅନ୍ବେଷଣରେ ଜଙ୍ଗଲ ଛାଡି ଜନବସତି ମୁହାଁ ହେଉଛନ୍ତି ବିଭିନ୍ନ ପଶୁ ପକ୍ଷୀ। ନିକଟରେ ଏଭଳି ଏକ ଘଟଣା ଦେଖିବାକୁ ମିଳିଛି ଖୋର୍ଦ୍ଧାରେ ।
କ୍ଷତାକ୍ତ ଅବସ୍ଥାରେ ଫାଣ୍ଡି ଭିତରେ ପଶିଲା ହରିଣ
ଜଙ୍କିଆ ଥାନା ଅନ୍ତର୍ଗତ ସିକୋ ଫାଣ୍ଡିକୁ କ୍ଷତାକ୍ତ ଅବସ୍ଥାରେ ଏକ ହରିଣ ପଶିଆସିଥିଲା । ହରିଣର ଗୋଡ଼ରେ ଆଘାତ ଲାଗିଥିବା ଦେଖି ଫାଣ୍ଡି କର୍ମଚାରୀ ତୁରନ୍ତ ସ୍ଥାନୀୟ ପଶୁ ଚିକିତ୍ସା ଅଧିକାରୀଙ୍କୁ ଖବର ଦେଇଥିଲେ । ପଶୁ ଡାକ୍ତର ଚିକିତ୍ସା କରି ଅଧିକ ଚିକିତ୍ସା ପାଇଁ ମୁଖ୍ୟ ପଶୁ ଚିକିତ୍ସା କେନ୍ଦ୍ରକୁ ପଠାଇଥିଲେ । ହେଲେ, ରାସ୍ତାରେ ହରିଣଟିର ମୃତ୍ୟୁ ହୋଇଥିଲା ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
